ChatGPT मुळे बनले रिलेशन, युगुलाने सोशल मीडियावर सांगितले कसे AI ने केली नाते निर्माण करण्यात मदत
सोशल मीडियावर एका पोस्टच्या माध्यमातून एका जोडप्याने सांगितले की, चॅट जीपीटीने त्यांचे नाते बनवण्यास कशी मदत केली.
आर्टिफिशियल इंटेलिजन्सचे तंत्रज्ञान अतिशय वेगाने पुढे जात आहे. बाहेरच्या कामाव्यतिरिक्त, लोक आता नातेसंबंध सुधारण्यासाठी याचा वापर करीत आहेत कारण एआय मानवासारखा पक्षपाती असू शकत नाही आणि नात्यातील दोन लोकांमध्ये भेदभाव करणार नाही. एआयच्या मदतीने तरुण जोडप्यांना त्यांच्या नात्याबद्दल तिसऱ्या व्यक्तीकडून किंवा मॅरेज कौन्सिलरकडून भरमसाठ फी भरावी लागत नाही.
असाच एक प्रकार अमेरिकेतून समोर आला आहे. येथे एका तरुण जोडप्याने आपले नाते जपण्यासाठी चॅटजीपीटीचा वापर कसा केला आणि या माध्यमातून त्यांच्यात कलह निर्माण करणारे मुद्देही सोडवले. न्यूयॉर्क पोस्टच्या रिपोर्टनुसार, चॅट जीपीटी डॉम वर्सासी आणि अबेला बाला यांच्यासाठी मोठा गेम-चेंजर ठरला. लॉस एंजेलिसमध्ये राहणाऱ्या ३६ वर्षीय बाला यांनी सोशल मीडियावर पोस्ट केली की, आम्ही गेल्या ६ महिन्यांपासून आमचे नाते वाचविण्यासाठी एआयचा वापर करत आहोत. या माध्यमातून आम्ही आमचं नातं वाचवलं आहे.
बाला यांनी लिहिले की, चॅटजीपीटीने आमच्यातील भांडणे कमी करण्यासाठी विचित्र पद्धतीने मदत केली आहे. आपल्यापैकी कोणालाही रोबोटशी वाद घालायचा नाही. त्याचबरोबर वर्सासी यांनी लिहिलं आहे की, जर आपण या भांडणांसाठी थेरपी घ्यायला गेलो तर ते खूप महाग असतं आणि खर्चिक असण्याबरोबरच आपल्या वैयक्तिक गोष्टी तिसऱ्या व्यक्तीशी शेअर करणं आपल्याला सोयीस्कर वाटत नाही. चॅट जीपीटी आम्हाला या समस्येचा सामना करण्यास मदत करत आहे.
अमेरिकेत वाढत आहे ट्रेंड -
चॅट जीपीटी सुरू झाल्यापासून अमेरिकेत त्याचा ट्रेंड वाढला आहे. लोक त्यांच्या नात्यासाठी चॅट जीपीटीचा सल्लाही घेऊ लागले आहेत. पूर्वी ही समस्या सोडवण्यासाठी लोक पारंपारिक थेरपीचा आधार घेत असत. त्याची किंमत ४०० डॉलरपेक्षा जास्त आहे. अशा परिस्थितीत चॅट जीपीटी हा परवडणारा पर्याय म्हणून समोर आला आहे. तथापि, चॅट जीपीटी अद्याप त्याच्या सुरुवातीच्या टप्प्यात आहे आणि हे लक्षात घेणे आवश्यक आहे की त्याने दिलेला सल्ला बर्याचदा सामान्य आणि मर्यादित असतो.
न्यूयॉर्कमधील परवानाधारक मानसिक आरोग्य समुपदेशक अॅश्ले विल्यम्स यांच्या मते, किरकोळ नातेसंबंधांच्या समस्यांशी झगडत असलेल्या जोडप्यांसाठी चॅटजीपीटी एक मौल्यवान स्त्रोत ठरू शकते. हे बर्याच मोठ्या समस्यांमध्ये मदत करू शकत नाही.
Shrikant Ashok Londhe
संबंधित बातम्या