Central Railway Recruitment : मध्य रेल्वेत २४२४ जागांसाठी भरती; १५ ऑगस्टपर्यंत करा अर्ज
Central Railway Apprentice Recruitment 2024: मध्य रेल्वेमध्ये अप्रेंटिस पदांसाठी भरती प्रक्रिया सुरू झाली आहे. या भरतीअंतर्गत एकूण २४२४ जागा भरल्या जाणार आहेत. या भरतीसंदर्भात अधिक माहिती जाणून घेऊयात.
Railway Job: रेल्वेत नोकरी करण्यासाठी इच्छुक असलेल्या उमेदवारांसाठी सुवर्णसंधी आहे. मध्य रेल्वेने अप्रेंटिस पदांसाठी अर्ज मागवले आहेत. इच्छुक उमेदवार मध्य रेल्वेची अधिकृत वेबसाइट rrccr.com याद्वारे ऑनलाइन अर्ज करू शकतात.या भरती मोहिमेत संस्थेतील एकूण २४२४ पदे भरण्यात येणार आहेत. भरतीसाठी अर्ज करण्याची शेवटची तारीख, शैक्षणिक पात्रता, वयोमर्यादा आणि नोकरीचे ठिकाण याबाबतची माहिती जाणून घेऊयात.
पात्रता निकष
शैक्षणिक पात्रतेमध्ये असे समाविष्ट आहे की, ज्या उमेदवारांना अर्ज करायचा आहे त्यांनी मान्यताप्राप्त बोर्डातून किमान ५० टक्के गुणांसह इयत्ता दहावीची परीक्षा किंवा तत्सम (10 + 2 परीक्षा प्रणालीअंतर्गत) उत्तीर्ण असणे आवश्यक आहे आणि राष्ट्रीय व्यापार प्रमाणपत्र देखील असणे आवश्यक आहे.
वयोमर्यादा
या पदासाठी अर्ज करण्यासाठी उमेदवाराचे वय १५-७-२०२४ रोजी १५ वर्षे ते २४ वर्षे असावे. अनुसूचित जाती/जमातीच्या उमेदवारांच्या बाबतीत वयोमर्यादेत ०५ वर्षे, ओबीसी उमेदवारांच्या बाबतीत ३ वर्षे सूट देण्यात आली आहे.
निवड प्रक्रिया
अधिसूचनेविरोधात अर्ज करणाऱ्या सर्व उमेदवारांच्या संदर्भात तयार केलेल्या गुणवत्ता यादीनुसार उमेदवारांची निवड केली जाईल. ज्या ट्रेडमध्ये अप्रेंटिसशिप करायची आहे त्या ट्रेडमधील मॅट्रिकमधील गुणांची टक्केवारी (किमान ५० टक्के एकूण गुणांसह) + आयटीआय गुणांच्या आधारे गुणवत्ता यादी तयार केली जाईल. मॅट्रिक आणि आयटीआयमधील गुणांच्या साध्या सरासरीच्या आधारे हे पॅनल असेल.
अर्ज शुल्क
अर्ज शुल्क १००/- रुपये आहे. ऑनलाइन अर्ज प्रक्रियेचा एक भाग म्हणून उपलब्ध असलेल्या पेमेंट गेटवेद्वारे शुल्क भरावे लागेल. डेबिट कार्ड/क्रेडिट कार्ड/इंटरनेट बँकिंग/एसबीआय चालान इत्यादींचा वापर करून स्क्रीनवर विचारल्याप्रमाणे माहिती देऊन पेमेंट करता येते. एससी/एसटी/पीडब्ल्यूडी/महिला उमेदवारांना शुल्क भरण्यापासून सूट देण्यात आली आहे. अधिक माहितीसाठी उमेदवार मध्य रेल्वेची अधिकृत वेबसाइट पाहू शकतात.
या भरतीप्रक्रियेला आजपासून सुरुवात झाली आहे. तर, १५ ऑगस्ट २०२४ अर्ज करण्याची शेवटची तारीख असेल. अधिक माहितीसाठी उमेदवार रेल्वेच्या अधिकृत वेबसाइटला भेट देऊ शकतात.
युको बँकेत नोकरीसाठी अर्ज करण्याची आज शेवटची संधी
युको बँक आज १६ जुलै २०२४ रोजी अप्रेंटिस पदांसाठी नोंदणी प्रक्रिया बंद करणार आहे. ज्या उमेदवारांनी अद्याप या पदांसाठी अर्ज केला नाही, त्यांना nats.education.gov.in येथे राष्ट्रीय अप्रेंटिसशिप प्रशिक्षण योजनेच्या अधिकृत वेबसाइटवर अर्ज करण्याची लिंक सापडेल.
संबंधित बातम्या