नवशिक्या चालकाने १०० हून अधिक स्पीडने चालवली कार; ६ विद्यार्थिनींना उडवले, तिघींची प्रकृती गंभीर

कार चालकाला पोलिसांच्या ताब्यात घेतलं आहे. जखमींना विवेकानंद रुग्णालयात दाखल करण्यात आले आहे. एका विद्यार्थिनीच्या वडिलांनी सांगितले की, आधी या मुलींचा पाठलाग करण्यात आला, त्यानंतर भरधाव कार चालवून त्यांना चिरडले गेले. कारमध्ये पाच तरुण बसले होते, असा दावा त्यांनी केला. कार थांबताच चार तरुण पळून गेले.

रेल्वेच्या शौचालयात उभी राहून तरुणीचा कुंभमेळ्यापर्यंत प्रवास, व्हिडिओ पाहून संतापले लोक

रामगंगा विहार येथील गोल्डन गेट आणि आनंदम सिटी हाऊसिंग सोसायटीसह हायस्ट्रीट समोरील रस्त्यावर दुपारी बाराच्या सुमारास ही घटना घडली. बलेनो कारमध्ये पाच तरुण बसले होते. शगुन या तरुणाला ताब्यात घेण्यात आले आहे. लक्ष्य परेजा, दिव्यांशू, उदय, कौशिक आणि यश सिरोही हे तरुण घटनेनंतर पळून गेले.

शाळेच्या अखेरच्या दिवशी घटना -

जखमी विद्यार्थिनीपैकी एकीच्या वडिलांनी सांगितले की, विद्यार्थिनींचा आज शाळेचा शेवटचा दिवस होता. शाळेतून बोर्ड परीक्षेचे ओळखपत्र घेऊन विद्यार्थिनी हाय स्ट्रीटवर पोहोचल्या होत्या. गोल्डन गेट रोडवरील आनंदम सिटीसमोरील रस्त्यावर विद्यार्थिनी फिरत होत्या. दरम्यान, पाच तरुणांनी त्यांचा पाठलाग सुरू केला. हे पाहून विद्यार्थिनी तेथून निघून जाऊ लागल्या.

पप्पानं मम्मीला लटकवलंय, हलतही नाही! ४ वर्षांच्या चिमुरडीनं व्हिडिओ कॉल करून आजीला दाखवलं भयंकर दृश्य, पतीला अटक

त्याचवेळी या तरुणांनी कारमध्ये बसून सुमारे १०० च्या वेगाने विद्यार्थिनींवर कार चालवली. हा अपघात नसून तरुणांनी जाणीवपूर्वक मुलींना उडवले आहे.  हा खुनाच्या प्रयत्नाचा गुन्हा आहे. सध्या स्थानिक पोलीस या प्रकरणाला अपघात म्हणत आहेत.

कुंभमेळ्यात आगीच्या घटना सुरूच! इस्कॉन किचनला आग, ३ सिलिंडरचा भीषण स्फोट, अनेक कॉटेज जळून खाक

एसपी क्राइम सुभाषचंद्र गंगवार यांनी सांगितले की, शगुन नावाच्या तरुणाला ताब्यात घेण्यात आले आहे. तो कार चालवायला शिकत होता. यावेळी त्यांनी विद्यार्थिनींवर कार चालवली आहे. सहापैकी ३ विद्यार्थ्यांची प्रकृती ठीक आहे. त्यातील ३ मुली गंभीर आहेत.