Canara Bank Recruitment: कॅनरा बँकेत अप्रेंटिस पदांसाठी भरती, ३००० जागांसाठी नोंदणीला सुरूवात, 'असा' करा अर्ज!
Bank Job 2024: कॅनरा बँकेत अप्रेंटिस पदांकरीता अर्ज प्रक्रिया सुरू झाली आहे. या भरतीसाठी अर्ज कसा करायचा, याबाबत सविस्तर माहिती जाणून घेऊयात.
Canara Bank Apprentice Recruitment 2024: बँकेत नोकरी करण्यासाठी इच्छुक असलेल्या उमेदवारांसाठी सुवर्णसंधी आहे. कॅनरा बँक अप्रेंटिस पदांसाठी भरती सुरू झाली आहे. या भरतीसाठी शनिवारी (२१ सप्टेंबर २०२४) नोंदणी प्रक्रियेला सुरुवात झाली आहे. या पदांसाठी अर्ज करण्यासाठी इच्छुक उमेदवार कॅनरा बँकेची अधिकृत वेबसाइट canarabank.com येथे भेट देऊ शकतात. दरम्यान, या भरतीसाठी अर्ज करण्याची शेवटची तारीख, शैक्षणिक पात्रता, वयोमर्यादा आणि नोकरीचे ठिकाण याबाबतची माहिती जाणून घेऊयात.
या भरतीसाठी बँकेत अप्रेंटिसशिपसाठी अर्ज करण्यापूर्वी www.nats.education.gov.in अप्रेंटिसशिप पोर्टलवर नोंदणी करणे आवश्यक आहे. अप्रेंटिसशिप पोर्टलवर १०० टक्के पूर्ण प्रोफाइल असलेले उमेदवारच अर्ज करण्यास पात्र ठरतील. नॅट्स पोर्टलवर नोंदणी प्रक्रिया १८ सप्टेंबर २०२४ पासून सुरू झाली. पदांसाठी अर्ज करण्यापूर्वी उमेदवारांनी आपला फोटो, स्वाक्षरी, डाव्या अंगठ्याचा ठसा आणि हस्तलिखित घोषणा स्कॅन करावी. हे सर्व तपशील व्यवस्थित स्कॅन केले पाहिजेत आणि धूसर किंवा अस्पष्ट असू नयेत, याची काळजी घ्यावी.
अर्ज शुल्क
सर्व उमेदवारांसाठी अर्ज शुल्क ५०० रुपये आहे. एससी/एसटी/पीडब्ल्यूबीडी प्रवर्गातील उमेदवारांना शुल्कातून सूट देण्यात आली आहे. पेमेंट डेबिट कार्ड (रुपे / व्हिसा / मास्टरकार्ड / मेस्ट्रो), क्रेडिट कार्ड, इंटरनेट बँकिंग, आयएमपीएस, कॅश कार्ड किंवा मोबाइल वॉलेटवापरुन केले जाऊ शकते. अधिक माहितीसाठी उमेदवार कॅनरा बँकेची अधिकृत वेबसाइट पाहू शकतात.
कॅनरा बँक अप्रेंटिस भरती २०२४: अर्ज कसा करायचा?
- सर्वप्रथम canarabank.com येथे कॅनरा बँकेच्या अधिकृत संकेतस्थळाला भेट द्या.
- होम पेजवर उपलब्ध रिक्रूटमेंट असा पर्याय असलेल्या लिंकवर क्लिक करा.
- आता पेजवर उपलब्ध असलेल्या अप्रेंटिस रिक्रूटमेंट येथे क्लिक करा.
- एक नवीन पेज ओपन होईल, जिथे रजिस्ट्रेशन लिंक मिळेल.
- तिथे क्लिक करा आणि एनरोलमेंट आयडीसारखे आवश्यक माहिती भरा.
- अर्ज भरल्यानंतर अर्ज शुल्क भरा.
- नंतर सबमिटवर क्लिक करा आणि पेज डाऊनलोड करा.
- पुढील गरजेसाठी त्याची हार्ड कॉपी काढून ठेवा.
सरकारी नोकरी: एनटीपीसीमध्ये डेप्युटी मॅनेजर होण्याची संधी
सरकारी नोकरीच्या शोधात आहात? मग ही बातमी तुमच्यासाठी आहे. एनटीपीसी लिमिटेडने डेप्युटी मॅनेजर पदांसाठी अर्ज मागवले आहेत. पात्र उमेदवार एनटीपीसीची अधिकृत वेबसाइट ntpc.co.in येथे ऑनलाइन अर्ज करू शकतात. या भरती मोहिमेमुळे संस्थेतील २५० पदे भरली जाणार आहेत. या भरतीसाठी अर्ज करण्याची शेवटची तारीख, शैक्षणिक पात्रता, वयोमर्यादा आणि नोकरीचे ठिकाण याबाबतची माहिती जाणून घेण्यासाठी येथे क्लिक करा.
