भारतात आता ‘अंधा’ कानून नाही! न्यायदेवतेच्या डोळ्यावरील पट्टी हटवली, हातात तलवारीऐवजी संविधान

प्रतिकात्मक दृष्टीने पाहिले तर काही महिन्यांपूर्वी बसवण्यात आलेली न्यायदेवतेचा नवीन पूतळा हा न्याय आंधळा नसतो असा स्पष्ट संदेश देत असल्याचं सांगितलं जातंआहे. सरन्यायाधीश डीवाय चंद्रचूड यांच्या पुढाकाराने हा पुतळा बसवण्यात आल्याचं सांगितलं जात आहे. मात्र असे पुतळे कोर्टरुममध्ये तसेच आणखी काही ठिकाणी बसवणार की नाही, हे काही स्पष्ट झालेलं नाही.

‘पंतप्रधान मोदींनी फारुख आणि ओमर अब्दुल्ला यांच्या सल्ल्यानेच काश्मीरमधील कलम ३७० हटवले’, बड्या नेत्याचा दावा

न्यायदेवतेच्या नव्या पुतळ्याचे वैशिष्ट्ये काय आहे -

न्यायदेवतेच्या या नव्या पुतळ्याचा रंग पूर्णपणे पांढरा आहे. पुतळ्यामध्ये न्यायदेवतेचे भारतीय पोशाखात चित्रण करण्यात आले आहे. न्यायदेवतने साडी परिधान केल्याचे सांगितले आहे. डोक्यावर मुकुट आहे. कपाळावर टिकली, कानात आणि गळ्यात पारंपरिक दागिनेही दिसतात. न्यायदेवतेच्या एका हातात तराजू आहे. दुसऱ्या हातात संविधान धरलेले दाखवले आहे.

खरे तर न्यायाचे प्रतिनिधित्व करणाऱ्या न्यायालयांमध्ये ठेवलेल्या पुतळ्याला'लेडी जस्टिस'म्हणून ओळखले जाते. आतापर्यंत वापरल्या जाणाऱ्या न्यायदेवतेच्या डोळ्यावर काळी पट्टी होती. आता ती हटवण्यात आली आहे.

विधानसभा निवडणुकीच्या मतदानासाठी बुधवारचाच दिवस का निवडण्यात आला? हे आहे कारण

हातात तलवारीऐवजी संविधान -

न्यायदेवतेच्या नव्या मूर्तीच्या माध्यमातून सर्वोच्च न्यायालयाने संदेश दिला आहे की, आता न्यायदेवता डोळस झाली आहे. सुप्रीम कोर्टाचे मुख्य न्यायाधीश डीवाय चंद्रचूड़ यांच्या निर्देशाने न्याय देवतेच्या डोळ्यावरील पट्टी हटवली आहे. त्याचबरोबर हातात तलवारीच्या जागी संविधानाची प्रत दिसत आहे. मूर्तीच्या हातात तराजूचा अर्थ आहे की, न्यायदेवता फैसला देण्यासाठी प्रकरणातील पुरावे व तथ्यांचे तुला करते. तलवारीचा अर्थ आहे की, न्याय तेज आणि अंतिम असेल.

आतापर्यंत न्यायदेवतेच्या मूर्तीच्या डोळ्यावर पट्टी बांधलेली होती. एका हातात तराजू आणि दूसऱ्या हातात तलवार होती. यामुळे एक म्हण प्रचलित होती की, कायदा आंधळा असतो. न्यायालयात दिसणाऱ्या मूर्तीला लेडी जस्टिस मूर्ती म्हटले जाते. या मूर्तीला मिस्रची देवी मात आणि ग्रीक देवी थेमिस या नावाने ओळखले जाते.