रेल्वेच्या बोगीचा रस्त्यावर अपघात; कंटेनरचे झाले दोन तुकडे, पाहा कसा झाला हा विचित्र अपघात

ही बोगी रेल्वे यार्डात ठेवण्यात आली होती. रविवारी सकाळी ट्रकमध्ये लादून ही बोगी रेल्वे जंक्शन परिसरात आणली जात होती. भागलपूरच्या लोहिया पुलावरून खाली उतरताना ट्रक चालकाचे गाडीवरील नियंत्रण सुटले व ट्रक वळण घेत असताना पुलाची रेलिंग तोडून पुढे सरकला. रस्त्याकडेचे दुकानदार व लोक तत्काळ बाजुला झाले. 

सिगारेटच्या अ‍ॅशने केला घात! राख फेकण्यासाठी गेलेल्या तरुण अभियंत्याचा ३३ व्या मजल्यावरून पडून मृत्यू

रेल रेस्टॉरंटची तयारी केली जात आहे. त्यासाठी ट्रेनची बोगी यार्डमधून स्टेशन परिसरात आणली जात आहे. एका पुलावर कंटेनर अनियंत्रित झाला मात्र चालकाच्या प्रसंगावधानाने मोठा अपघात टळला आहे. भागलपूर रेल्वेचे सीडीएससह रेल्वेचे अनेक कर्मचारी घटनास्थळी पोहोचले आहेत.

घटनेनंतर रस्त्यावरील वाहतूक पूर्णपणे टप्प झाली. रेल्वे पदाधिकारी आणि आरपीएफने वाहने दुसऱ्या मार्गांनी वळवली. घटनास्थली पोलिसांनी ब्रेकेडिंग करून लोकांना दुसऱ्या मार्गाने पाठवले. 

ब्रेक फेल झाल्याने अपघात -
स्थानिक लोकांनी सांगितले की, सकाळी आठ वाजण्याच्या सुमारास रोलर ट्रेनची बोगी घेऊन स्टेशनकडे जात होता. त्यावेळी कंटेनरचा ब्रेक फेल झाल्याने हा अपघात झाला. सकाळच्या सुमारास हा अपघात झाल्याने रस्त्यावर वर्दळ कमी होती. त्यामुळे मोठा अनर्थ टळला. लोकांनी सांगितले की, समोर अनेक बसेस उभ्या होत्या. चालकाच्या प्रसंगावधानाने मोठा अपघात टळला. या घटनेत चालक जखमी झाला असून त्याला स्थानिक रुग्णालयात दाखल करण्यात आले आहे.