Bihar hooch tragedy : बिहारमध्ये पुन्हा विषारी दारूकांड.. १४ जणांचा मृत्यू, १० लोकांची दृष्टी गेली

घटनास्थळ व पोलिसांकडून मिळालेल्या माहितीनुसार, पूर्व चंपारण जिल्ह्यात शनिवारी आणखी ८ लोकांचा मृत्यू झाले. यामध्ये ५ तुकौलिया, २ हरसिद्धि आणि एक व्यक्ती पहाडपूर येथील रहिवासी होता.शुक्रवारीही तुरकौलियामध्ये ४ आणि पहाडपूरमध्ये ४ लोकांची मृत्यू झाला होता. येथे २ दिवसात १४ हून अधिक लोकांनी जीव गमावला आहे. हा आकडा वाढण्याची भीती आहे. मोतिहारी सरकारी रुग्णालयात१० लोकांचा दाखल केले असून यामधील दोघांची प्रकृती चिंताजनक बनल्याने त्यांना मुजफ्फरपूरला हलवण्यात आले आहे.

रुग्णालयात दाखल सर्व रुग्णांची दृष्टी गेली असून त्यांना अस्वस्थ वाटू लागल्याने रुग्णालयात दाखल केले आहे. पोलीस मुख्यालयाने तापर्यंत जिल्ह्यात चार मृत्यू झाल्याचे सांगितले आहे. पोलिसांनी विषारी दारूमुळे मृत्यू झाल्याचा संशय व्यक्त केला आहे. मात्र स्थानिक प्रशासनाने याला दुजोरा दिलेला नाही. प्रशासनाचे म्हणणे आहे की, शवविच्छेदन अहवाल आल्यानंतरच मृत्यूचे कारण समोर येईल. याप्रकरणात सात लोकांना पोलिसांनी ताब्यात घेतले आहे. काही लोकांचा खासगी रुग्णालयात उपचार सुरू आहे.

अशीही माहिती मिळत आहे की, अनेक मृतांच्या नातेवाईकांनी पोस्टमार्टम न करताच मृतदेहावर अंतिम संस्कार केले आहेत. दरम्यान ग्रामस्थ आणि कुटुंबीयांचे म्हणणे आहे की, दारू प्यायल्याने त्यांची तब्येत बिघडली होती.

छपरा येथेही विषारी दारूने ७७ बळी -
मागील वर्षी डिसेंबर महिन्यात छपरा येथेही दारू कांड झाले होते. सारण जिल्ह्यातील अनेक गावांत विषारी दारू प्यायल्याने ७७ लोकांचा मृत्यू झाला होता. त्यानंतर नितीश सरकारवर विरोधकांना हल्लाबोल केला होता. मात्र मुख्यमंत्री नितीश कुमार यांनी म्हटले होते की, जो दारूचे सेवन करून तो मरेल. त्यांना मृतांच्या नातेवाईकांना नुकसानभरपाई देण्यास साफ नकार दिला होता.