Ola auto driver News: जादा पैसे देण्यास नकार दिल्याने ओला चालकाचं प्रवाशासोबत धक्कादायक कृत्य

संबंधित प्रवाशाने रेडिटर केलेल्या आपल्या पोस्टमध्ये लिहिले की, " मी घरी जाण्यासाठी ओला ऑटो बूक केली. त्यानंतर त्याने माझ्याकडे जादा पैसे मागितले. पण मी त्याला नकार दिला. मात्र, तरीही ओला ऑटोचालक माझ्या शेजारीच उभा राहिला आणि माझ्याशी भांडण करण्याचा प्रयत्न करू लागला. पण मी त्याला एकही शब्द न बोलता रॅपिडो बाईक बूक केली. त्यावेळी त्याने मला आणि रॅपिडो ड्रायवरला मारहाण करण्याची धमकी दिली. यामुळे मी माझ्या जवळच्या रोड जंक्शनकडे म्हणजे एचएसआरमधील बिपीन रावत चौकाकडे चालत जाऊ लागलो. पण तो देखील माझ्या पाठोपाठ येऊ लागला. रॅपिडो ड्रायव्हर आल्यानंतर ओला ऑटोचालकाने त्याच्या दुचाकीची चावी काढून घेतली आणि त्याच्याशी वाद घालू लागला.

तक्रारदाराने पुढे म्हटले की, ओला ऑटोचालक आणि इतर लोकांनी त्यांना घेरले. यानंतर त्याला पोलिसांना फोन करावा लागला.याप्रकरणी पोलिसांत तक्रार दाखल करण्यात असून पोलिसांनी पुढील कारवाईला सुरुवात केली आहे.

viral news : काय सांगता! सामुदायिक विवाह सोहळ्याचे अनुदान लाटण्यासाठी लावले भाऊ-बहिणीने लग्न

दोन दिवसांपूर्वी रेडिटवर ही माहिती शेअर करण्यात आली. या पोस्टवर वापरकर्त्यांच्या संतापजनक प्रतिक्रिया येऊ लागल्या आहेत. संबंधित ओला ऑटोचालकाविरोधात कायदेशीर कारवाई करण्याची मागणीने जोर धरला आहे.