मद्यप्रेमींच्या खिशाला बसणार झळ! ऐन उन्हाळ्यात 'या' राज्यात बियर झाली महाग; सरकारने वाढवल्या किमती
Beer Price Hike : सध्या उन्हाळ्याची चाहूल लागली आहे. उन्हाळ्यात मद्यप्रेमी बियर पिण्यास प्राधान्य देत असतात. अशातच आता तेलंगणा सरकारने बियरच्या दरात वाढ करण्याच्या निर्णय घेतला आहे.
Beer Price Hike : सध्या उन्हाळ्याची चाहूल लागली आहे. वाढत्या उन्हापासून बचाव करण्यासाठी व शीतपेय म्हणून मद्यप्रेमी बियरला पसंती देतात. मात्र, आता मद्यप्रेमी व बियरप्रेमींच्या खिशाला झळ पोहोचणार आहे. बियरच्या किमतीत मोठ्या प्रमाणात वाढ करण्यात आली आहे.
तेलंगणा सरकारने तेलंगणा बेव्हरेजेस कॉर्पोरेशन लिमिटेडला बिअरच्या दरात १५ टक्के वाढ करण्याची परवानगी दिली आहे. २०१९-२० पासून कंपनीच्या बिअरच्या किमतीत सुधारणा न केल्याने राज्यात मोठ्या प्रमाणात तोटा झाल्याने हा निर्णय घेण्यात आल्याचे यूबीएलने शेअर बाजाराला दिलेल्या माहितीत म्हटले आहे.
ब्रुअर्स असोसिएशन ऑफ इंडियाच्या (बीएआय) विनंतीनंतर आणि युनायटेड ब्रुअरीज लिमिटेडने पुरवठा बंद केल्यानंतर तेलंगणा सरकारने हा निर्णय घेतला आहे. युनायटेड ब्रुअरीज लिमिटेडने (यूबीएल) तेलंगणा बेवरेजेस कॉर्पोरेशनला होणारा बिअरचा पुरवठा तात्काळ बंद करण्याचा निर्णय घेतला आहे. याव्यतिरिक्त, यूबीएलने दावा केला की टीजीबीसीएलकडे मागील बिअर पुरवठ्यासाठी लक्षणीय थकबाकी आहे. मात्र, याबाबत कोणतीही विशेष माहिती समोर आलेली नाही. मात्र, नंतर युनायटेड ब्रुअरीजने पुरवठा पुन्हा सुरू केला.
राज्य सरकारच्या या निर्णयाचे स्वागत करत बीएआयने मुख्यमंत्री ए. रेवंत रेड्डी यांना बिअर उद्योगातील प्रलंबित प्रश्न सोडविण्याची विनंती केली. बीएआयने एका निवेदनात म्हटले आहे की, “उत्पादन खर्चात किंवा उद्योगाच्या अपेक्षेपेक्षा ही वाढ कमी आहे, परंतु आम्ही त्याचे स्वागत करतो कारण हे दर्शविते की सरकार राज्यातील व्यावसायिक नफ्याबद्दल उद्योगाच्या चिंतांबद्दल जागरूक आहे आणि त्यावर विचार करण्याचे वचन पूर्ण केले आहे.” बीएआयचे महासंचालक विनोद गिरी म्हणाले की, "बाजारपेठेवर आधारित प्रणाली हा प्रत्येकाच्या फायद्याचा सर्वात कार्यक्षम मार्ग आहे आणि आम्ही या दृष्टिकोनाचे समर्थन करण्यासाठी सरकारशी संवाद साधत राहू."
Ninad Vijayrao Deshmukh
संबंधित बातम्या