Bangladesh protests : भारतीय ज्योतिषाने ८ महिने आधीच केली होती शेख हसीना यांच्यासाठी संकटाची भविष्यवाणी !
Bangladesh protests : भारतीय ज्योतिषाने शेख हसीना यांना मे, जून, जुलै आणि ऑगस्ट महिन्यात सावध राहण्यास सांगितले होते. कारण त्यांना गंभीर परिस्थितीचा सामना करावा लागू शकतो, अशी भविष्यवाणी त्यांनी केली होती.
आरक्षणाच्या मुद्यावरून बांगलादेशमध्ये झालेल्या हिसंक आंदोलनामुळे माजी पंतप्रधान शेख हसीना यांना आपला पदाचा राजीनामा देऊन देशातून परागंदा व्हावं लागलं आहे. राजीनाम्यानंतर त्या उत्तर प्रदेशातील गाझियाबाद येथील हिंडन विमानतळावर उतरल्या असून त्यानंतर त्या लंडनला जाणार आहेत.
या अशांततेदरम्यान एका भारतीय ज्योतिषाने डिसेंबर २०२३ मध्ये शेख हसीना यांच्या स्थितीचा अंदाज वर्तवल्याचे समोर आले आहे. शेख हसीना यांनी मे, जून, जुलै आणि ऑगस्ट २०२४ मध्ये सावध गिरी बाळगण्याची गरज आहे, कारण त्यांना हत्येच्या प्रयत्नांना सामोरे जावे लागू शकते, असे ज्योतिषी प्रशांत किणी यांनी म्हटले होते.
त्यानंतर किनी यांनी जुनी पोस्ट पुन्हा शेअर करत लिहिलं की, "ऑगस्ट २०२४ मध्ये शेख हसीना अडचणीत येतील असा अंदाज मी आधीच वर्तवला आहे. ती आपला देश सोडून पळून जाईल का?
पाहा पोस्ट:
ही पोस्ट ५ ऑगस्ट रोजी शेअर करण्यात आली होती. पोस्ट केल्यापासून त्याला २.६ दशलक्षाहून अधिक व्ह्यूज मिळाले आहेत. या शेअरवर असंख्य लाईक्स आणि कमेंट्सही आहेत.
लोकांनी यावर कशी प्रतिक्रिया दिल्या आहेत, एका व्यक्तीने लिहिले, "काय भविष्यवाणी होती."
आणखी एका व्यक्तीने म्हटले, "प्रभावी काम!"
"बांगलादेशपेक्षा माझ्या आयुष्याचा अंदाज लावा," तिसऱ्याने गंमतीने सांगितले.
बांगलादेशच्या पंतप्रधान शेख हसीना यांच्या सरकारी निवासस्थानावर हिंसक विद्यार्थी आंदोलकांनी हल्ला केल्याने त्यांनी राजीनामा दिला आणि देश सोडून पळून गेले. यामुळे अवामी लीग आणि शेख हसीना यांच्या १५ वर्षांच्या कारकिर्दीचा समारोप झाला आहे. बांगलादेशचे लष्करप्रमुख वेकर-उझ-झमान यांनी अंतरिम प्रशासन उभारणीसाठी लष्कर मदत करेल, असे जाहीर केले आणि देशात शांतता प्रस्थापित करण्यासाठी शांततेचे आवाहन केले.
१९७१ च्या बांगलादेश मुक्तिसंग्रामातील माजी सैनिकांच्या नातेवाइकांना ३० टक्के सरकारी पदे देणाऱ्या वादग्रस्त सरकारी कोटा प्रणालीविरोधात जुलैच्या पहिल्या आठवड्यापासून बांगलादेशात हिंसक निदर्शने सुरू आहेत. ही योजना पुन्हा सुरू करण्याच्या उच्च न्यायालयाच्या निर्णयाविरोधात प्रशासनाने अपील केल्यानंतर सर्वोच्च न्यायालयाने आरक्षण प्रणाली ५ टक्क्यांवर आणली.