तिरुपती बालाजीच्या लाडूमध्ये जनावरांची चरबी मिसळल्याने अयोध्येतील संत-महंत भडकले, म्हणाले राम मंदिर प्राणप्रतिष्ठेवेळी..

नेमकी भानगड काय? तिरुपती लाडू वादावर केंद्र सरकारनं मागवला अहवाल

परकीय शक्तींचा हात असल्याची शक्यता -

आचार्य सत्येंद्र दास म्हणाले की, ही अत्यंत दु:खद गोष्ट असून कोट्यवधी लोकांच्या श्रद्धेवर हा हल्ला आहे. सनातन धर्माला इजा पोहोचवण्याच्या आंतरराष्ट्रीय षड्यंत्राचा हा भाग असू शकतो, त्यामुळे सरकारने त्याची योग्य चौकशी करून यात परकीय षड्यंत्र आहे की देशातील जनतेचे काम आहे, याचा शोध घ्यावा. मुख्य पुजारी दास म्हणाले की, तिरुपती बालाजीच्या लाडूला खूप प्रसिद्धी आहे. ज्याने असे घृणित कृत्य केले आहे तो अतिशय भयानक गुन्हेगार आहे, देशद्रोही आहे. दास म्हणाले की, लाडूमध्ये हे सर्व कधीपासून मिसळले जात आहे, मला माहित नाही. अशा घटना पुन्हा घडू नयेत याची काळजी सरकारने घ्यावी, असेही ते म्हणाले.

तिरुपती बालाजी मंदिरातील प्रसादाचे लाडू कसे तयार होतात? विक्रीतून दरवर्षी होते ५०० कोटी रुपयांची कमाई

जगनमोहन रेड्डी सरकारच्या काळात तिरुपती बालाजी मंदिराच्या लाडूंमध्ये शुद्ध तुपाऐवजी जनावरांची चरबी वापरली जात असल्याचा खळबळजनकआरोप आंध्र प्रदेशचे मुख्यमंत्री चंद्राबाबू नायडू यांनी बुधवारी आमदारांच्या बैठकीत केला होता. नायडू यांच्या तेलुगू देसम पक्षाचे प्रवक्ते अनम वेंकट रमण रेड्डी यांनी गुरुवारी पत्रकार परिषद घेऊन गुजरातमधील प्रयोगशाळेचा अहवाल सादर केला. गुजरातमधील आणंद येथील राष्ट्रीय दुग्धविकास मंडळाच्या (एनडीडीबी) प्रयोगशाळेने तिरुपती बालाजी मंदिरातील लाडूंमध्ये वापरल्या जाणाऱ्या तुपाचे नमुने तपासले असता त्यात माशांच्या तेल तसेच जनावरांची चरबीचे अंश आढळल्याचे समोर आले आहे.

चंद्राबाबू नायडूंचं म्हणणं खरं ठरलं! तिरुपती मंदिरातील लाडूमध्ये जनावरांची चरबी असल्याचं प्रयोगशाळेत सिद्ध

१९७५ पासून तयार होतात लाडू २०१४ मध्ये मिळाला जीआय टॅग -

तिरुपती येथे १७७५ पासून प्रसाद म्हणून लाडू तयार केले जातात. २०१४ मध्ये तिरुपती लाडूलाही जीआय टॅग देखील मिळाला होता. आता या नावाखाली लाडू विकता येणार नाहीत. या लाडूंमध्ये मुबलक प्रमाणात साखर, काजू आणि मनुके असतात. एका लाडूचे वजन सुमारे १७५ ग्रॅम असते. तिरूपती बालाजी येथे दररोज सुमारे ३ लाख लाडू तयार केले जातात. मंडळाला एका वर्षात लाडूंपासून अंदाजे ५०० कोटी रुपये देवस्थानाला मिळतात.