Giriraj Singh : केंद्रीय मंत्री गिरीराज सिंह यांच्यावर बेगुसरायमध्ये हल्ला; म्हणाले, केवळ दाढी होती म्हणून…
Attack On Giriraj singh : बिहारमधील बेगूसराय जिल्ह्यात जनता दरबारादरम्यान केंद्रीय मंत्री आणि भाजपचे फायरब्रँड नेते गिरिराज सिंह यांच्यावर हल्ला करण्यात आला.
बिहारमधील बेगूसराय जिल्ह्यात शनिवारी जनता दरबार दरम्यान केंद्रीय मंत्री गिरिराज सिंह यांच्यावर एका तरुणाने हल्ला केला. त्याने गिरिराज सिंह यांना बुक्की मारण्याचा प्रयत्न केला मात्र सुरक्षा रक्षकांनी त्याला पकडले. आरोपीला पोलिसांनी ताब्यात घेतलं असून त्याची चौकशी केली जात आहे. गिरिराज सिंह यांनी आम आदमी पार्टीचे माजी जिल्हा अध्यक्ष मोहम्मद सैफी यांच्यावर जनता दरबारमध्ये गोंधळ घालणे व हल्ला केल्याचा आरोप केला आहे.
मोहम्मद सहजदू जमान ऊर्फ सैफी असे या हल्लेखोराचे नाव असून जनता दरबार या जनसंपर्क कार्यक्रमादरम्यान व्यासपीठावरून जात असताना त्याने मंत्र्यांना थप्पड मारण्याचा प्रयत्न केला. दरबार संपल्यानंतर सैफी यांच्यासह काही जणांनी निवेदन देण्याचा प्रयत्न केला, मात्र गिरीराज यांनी 'मी तुमचा खासदार नाही', असे सांगितले.
यामुळे ते संतप्त झाले आणि त्यांनी सिंह यांच्याविरोधात घोषणाबाजी केली आणि मंत्र्यांना थप्पड मारण्याचा प्रयत्न केला, परंतु सक्रिय सुरक्षारक्षकांनी त्यांना पकडून स्थानिक पोलिसांच्या स्वाधीन केले.
सिंह म्हणाले की, हल्लेखोराने कार्यक्रमात घुसून मायक्रोफोन पकडला आणि मंत्र्यांच्या विरोधात "मुर्दाबाद" घोषणा दिल्या. सिंह यांच्या म्हणण्यानुसार, या व्यक्तीने केलेले कृत्य त्याच्यावर हल्ला करण्याचा प्रयत्न असल्याचे म्हटले आहे.
"जनता दरबारात एका व्यक्तीने जबरदस्तीने माईक घेतला आणि काहीतरी बोलले. त्याला माझ्यावर हल्ला करायचा होता असे वाटत होते. त्यांनी 'मुर्दाबाद'च्या घोषणाही दिल्या.
प्रतिस्पर्धी राष्ट्रीय जनता दलाचे तेजस्वी यादव आणि समाजवादी पक्षाचे अखिलेश यादव यांसारखे राजकीय नेते हल्लेखोराच्या दिसण्यामुळे त्याला पाठिंबा देऊ शकतात, असा दावा त्यांनी केला.
दुर्दैवाने हल्लेखोराची दाढी होती म्हणून आज तेजस्वी यादव आणि अखिलेश यादव त्याला पाठिंबा देतील. मात्र, मी अशा गोष्टींना घाबरत नाही आणि बलिया, बेगूसराय आणि आसपासच्या परिसरात जातीय सलोखा बिघडवण्याचा प्रयत्न करणाऱ्यांविरोधात मी आवाज उठवणार आहे, असे गिरीराज सिंह यांनी सांगितले.
'नमाज ब्रेक' वादावर प्रतिक्रिया -
गिरिराज सिंह यांनी आसाम विधानसभेने नुकत्याच घेतलेल्या 'शुक्रवारच्या नमाज ब्रेक' या ब्रिटिश काळापासून लागू असलेल्या धोरणाचे स्वागत केले.
आपल्या मतदारसंघात पत्रकारांशी बोलताना राजनाथ सिंह म्हणाले की, "मी आसाममधील विधानसभा अध्यक्ष आणि राज्य सरकारचे आभार मानतो की त्यांनी हे पाऊल उचलले आहे. कायद्यात एकवाक्यता असणे आवश्यक आहे आणि कोणत्याही धार्मिक समुदायाला प्राधान्य दिले जाऊ नये.'
मुस्लिम आमदारांना नमाज पठणासाठी दोन तासांची विश्रांती घेण्याची मुभा देणारी शुक्रवारची नमाज सुट्टी रद्द करणे हा विशेषत: विरोधी पक्षांची आघाडी असलेल्या इंडिया आघाडीच्या सदस्यांमध्ये चर्चेचा विषय बनला आहे.
आपल्या हिंदुत्ववादी कट्टर भूमिकेसाठी ओळखले जाणारे सिंह यांनी राहुल गांधी, अखिलेश यादव आणि तेजस्वी यादव यांच्यासारख्या नेत्यांवर टीका केली आणि ते मुस्लीम मतदारांची दिशाभूल करत असल्याचा आरोप केला.
राहुल गांधी, अखिलेश यादव आणि तेजस्वी यादव यांच्यासारखे नेते मुस्लीम व्होट बँकेचे चॅम्पियन आहेत. जर त्यांना सत्ता मिळाली असती तर दर शुक्रवारी देशभरात सुट्टी असती, असे सिंह म्हणाले.
संबंधित बातम्या