Delhi Politics: मुख्यमंत्री निवासस्थानातून बाहेर काढल्याचा आतिशी यांचा दावा, PWD म्हणतं त्या कधी इथं शिफ्टच झाल्या नाहीत

आतिशी यांनी म्हटले की, निवडणूक जाहीर होण्याच्या आदल्या रात्रीच माझे अधिकृत सरकारी निवासस्थान हिरावून घेण्यात आले. पत्र पाठवून मुख्यमंत्र्यांच्या निवासस्थानाचे वाटप रद्द करण्यात आले आहे. तीन महिन्यांपूर्वीही त्यांनी असेच केले होते. तीन महिन्यांत दुसऱ्यांदा मला मुख्यमंत्र्यांच्या निवासस्थानातून बाहेर काढण्यात आले आहे.

Delhi Elections : दिल्ली विधानसभा निवडणुकीची घोषणा; ईव्हीएमवरील संशयावर काय म्हणाले निवडणूक आयुक्त?

दिल्ली विधानसभा निवडणुकीच्या तारखा जाहीर होताच दिल्लीच्या मुख्यमंत्री आतिशी यांनी मोठा दावा केला आहे. भाजपप्रणीत केंद्र सरकारने आपल्याला मुख्यमंत्र्यांच्या निवासस्थानाबाहेर काढल्याचा आरोप आतिशी यांनी केला आहे. तीन महिन्यांत ही दुसरी वेळ असल्याचे त्यांनी सांगितले. मात्र, सूत्रांच्या माहितीनुसार, पीडब्ल्यूडीने आतिशी यांचा दावा फेटाळून लावला आहे. पीडब्ल्यूडीचे म्हणणे आहे की आतिशी कधीही मुख्यमंत्री निवासस्थानी शिफ्ट झाल्या नाहीत.

दिल्लीतील जनतेचे काम थांबवण्यासाठी भाजपप्रणीत केंद्र सरकारने त्यांच्याकडून मुख्यमंत्र्यांचे निवासस्थान हिसकावून घेतल्याचा आरोप आतिशी यांनी आज पत्रकार परिषद घेऊन केला. तीन महिन्यांपूर्वी हीच गोष्ट त्यांनी केली होती. जेव्हा मी मुख्यमंत्री झालो तेव्हा त्यांनी माझे सामान बाहेर फेकले. आम्हाला शिवीगाळ करणे, आमचे घर हिसकावणे, माझ्या कुटुंबाबद्दल खालच्या पातळीवर बोलणे यापासून आम्ही आमचे काम थांबवू, असे भाजपला वाटते.

Asaram Bapu : लैंगिक अत्याचार प्रकरणातील दोषी आसाराम बापूला जामीन! पण भक्तांपासून दूर राहावं लागणार; आणखी काय आहेत अटी?

पीडब्ल्यूडी काय म्हणाले?

सूत्रांनी दिलेल्या माहितीनुसार, पीडब्ल्यूडीचे म्हणणे आहे की, आतिशी यांना मुख्यमंत्री निवासस्थानातून बाहेर काढण्यात आलेले नाही. किंबहुना ती तिकडे कधीच शिफ्ट झाली नाही. याशिवाय मथुरा रोडवरील १७ एबी हे अधिकृत निवासस्थान यापूर्वीच त्यांना देण्यात आले असून त्यानंतरही त्यांना आणखी ३ आलिशान बंगले ऑफर करण्यात आले आहेत.

२ कारणामुळे परत घेतले मुख्यमंत्री निवासस्थान -

पीडब्ल्यूडीने म्हटले आहे की, सध्या दोन कारणांमुळे आतिशी यांच्याकडून मुख्यमंत्री निवासस्थान काढून घेण्यात आले आहे. त्या मुख्यमंत्री झाल्यावर आठवडाभरात घराचा ताबा घेण्यासाठी त्यांना मुदत देण्यात आली होती. परंतु त्यांनी ३ महिने घराचा ताबा घेतला नाही. याशिवाय 'शीश महल' म्हणजेच मुख्यमंत्र्यांचे निवासस्थान सीबीआय/ईडीच्या नजरेखाली असून आता कॅगने त्याच्या बांधकामातील भ्रष्टाचाराला दुजोरा दिला आहे.

नेपाळपासून ते उत्तर भारत भूकंपाच्या धक्कांनी हादरला! तिबेट केंद्रबिंदू, ७.१ रिश्टर स्केलची तीव्रता

'एक अटीवर दिला होता बंदला, आतिशी जाणूनबुझून झाल्या नाहीत शिफ्ट' -

सूत्रांनी दिलेल्या माहितीनुसार, पीडब्ल्यूडीने म्हटले आहे की, जेव्हा आतिशी यांना मुख्यमंत्री निवासस्थान देण्यात आले होते, तेव्हा एक अट अशी होती की ती शीश महालच्या तपासात सहकार्य करेल. पण तपास यंत्रणांचा तपास थांबेल म्हणून त्या मुद्दाम त्याकडे वळल्या नाहीत.