वृद्ध आई-वडिलांनी काठीने मारहाण करून मुलाला ठार मारलं, काय होती तरुणाची चूक?

सुहैल अहमद असे मृत्यू झालेल्या तरुणाचे नाव आहे. हा तरुण करीमगंज येथील पुरहुरिया परिसरात रहात होता. हा परिसर भारत-बांग्लादेश आंतरराष्ट्रीय सीमेजवळ आहे. स्थानिकांनी दिलेल्या माहितीनुसार मृत तरुण अनेक वर्षापासून आपल्या आई-वडिलांसोबत रहात होता. लोकांनी सांगितले की, सुहैलला मानसिक आजार होता. त्याच्या विचित्र वर्तनाने त्याचे पालक कंटाळले होते. त्यांनी सांगितले की, सुहैलने शुक्रवारी आपल्याच घरात आग लावण्याचा प्रयत्न केला होता. हे पाहून त्याचे आई-वडील भडकले व त्यांनी त्याला काठीने बेदम मारले.

लोकसभेच्या निकालातून भाजप धडा घेईल असं वाटलं होतं, पण…; सोनिया गांधी यांचा जोरदार हल्लाबोल

स्थानिक लोकांनी सांगितले की, सुहैलला खूप वेळ काठीने मारहाण करण्यात आली. त्यानंतर त्याचा काहीच पत्ता नव्हता. मात्र रात्री १० वाजण्याच्या सुमारास त्याची डेडबॉडी तलावात तंरगताना दिसली. घटनेची माहिती पोलिसांपर्यंत पोहोचवण्यात आली आहे. तसेच मृतदेह बाहेर काढण्यात आला आहे. पोलिसांनी सांगितले की, सोशल मीडियावर व्हायरल व्हिडिओ त्यांनी पाहिला आहे. मात्र आरोपी आई-वडिलांनी दावा केला की, ही घटना खूप जुनी आहे. दुसरीकडे लोकांनी सांगितले की, पालकांच्या बेदम मारहाणीत सुहैलचा मृत्यू झाला आहे. या प्रकरणी चौकशी केली जात आहे.

पॉर्न व्हिडिओ पाहून सख्ख्या भावाने बहिणीसोबत केले गैरकृत्य -

मध्य प्रदेश मधील रीवा शहरात ९ वर्षीय चिमुकलीच्या बलात्कार आणि हत्या प्रकरणात धक्कादायक तथ्य समोर आले आहे. पोलिसांनी सांगितले की, चिमुकलीच्या भावाने मोबाइलवर अश्लील व्हिडिओ पाहून तिच्यावर लैंगिक अत्याचार केला व त्यानंतर तिची हत्या केली. पोलिसांनी सांगितले की, मृत मुलीची आई व दोन मोठ्या बहिणींनी हे प्रकरण लपवण्याचा प्रयत्न केला. ५० लोकांकडे चौकशी व आरोपीची चौकशी तसेच परिस्थितीजन्य पुरावे गोळा केल्यानंतर या प्रकरणाचा खुलासा झाला. याप्रकरणी मृत मुलीचा १३ वर्षीय भाऊ, तिची आई व १७ व १८ वर्षांच्या दोन बहिणींना ताब्यात घेण्यात आले आहे.