Apple Watch: हातपाय बांधून नवऱ्यानं जिवंत गाडलेल्या महिलेचे ॲपल वॉचने वाचवले प्राण; हे कसं घडलं?

सूक आणि तिच्या पतीमध्ये घटस्फोट आणि पैशावरून वाद झाला.दरम्यान सूकने पतीला घर सोडण्यास सांगितले, त्यानंतर तिचा पती चांगलाच संतापला.सूक बेडरूममध्ये गेली असता तिच्या पतीने तिच्यावर मागून हल्ला केला.पतीने सूकच्या डोक्यावर अनेक वार केले आणि तिला जमिनीवर लोळवले.त्यानंतर सूकच्या पतीने तिला डक्ट टेपने बांधले आणि बेडरूमच्या बाहेर ओढून नेले.

ॲपल वॉचचंही केलं नुकसान

एकीककडे झालेल्या प्रहाराने सूकला जबरदस्त धक्का बसला होता मात्र दुसरीकडे तिच्या पतीच्या डोक्यात जबरदस्त राग होता. सूकच्या पतीने तिला मारण्याचा निर्णय घेतला होता.त्यासाठी त्याने जखमी सूकला जबरदस्तीने व्हॅनमध्ये ठेवले आणि जंगलात नेल्यानंतर तिच्यावर चाकूने वार करून जिवंत गाडले.डेली बीस्टच्या वृत्तानुसार, पतीने सूकच्या मनगटाला बांधलेले ॲपल वॉच हातोड्याने फोडले, जेणेकरून ती मदतीसाठी कॉल करू शकत नाही किंवा मेसेज करू शकत नाही.तथापि, यानंतरही ॲपल वॉचने सूकला सपोर्ट केला आणि तिने मदतीसाठी 911 वर कॉल केला.

पोलिसांना पाहून सूकने सोडला सुटकेचा नि:श्वास

पोलीस आलेले पाहून सूकने सुटकेचा श्वास सोडला, कबरीतून बाहेर येताच सूकने जवळच्या घरांमध्ये जाऊन मदत मागितली.911 वर कॉल आलेल्या ऑपरेटरने पोलिसांना सांगितले की कॉलर खूप घाबरला होता आणि त्याला बोलताही येत नव्हते.911 ऑपरेटरने कॉलरच्या बाजूने दरवाजा ठोठावल्याबद्दल पोलिसांना सांगितले.नंबर ट्रेस केल्यानंतर पोलीस सूकच्या घरी पोहोचले, मात्र त्यांना तेथे सूक दिसली नाही.बराच शोध घेतल्यानंतर, सूक १७ ऑक्टोबर रोजी एका अनोळखी व्यक्तीच्या घरी सापडली जिथे ती मदतीची वाट पाहत होती.पोलिसांना पाहून सूकने सुटकेचा नि:श्वास सोडला आणि पतीला तिला मारायचे असल्याचे सांगितले.