अनंत अंबानींच्या ‘वनतारा’ प्राणी पुनर्वसन केंद्राला प्रतिष्ठेचा राष्ट्रीय ‘प्राणी मित्र’ पुरस्कार

‘वनतारा’ येथील हत्ती सुश्रूषा केंद्र हे जगातील अशाप्रकारचे सर्वात मोठे केंद्र असून येथे हत्तींसाठीचे सर्वात मोठे रुग्णालय बांधण्यात आले आहे. ‘वनतारा’ प्राणी पुनर्वसन केंद्रात जागतिक दर्जाचे पशुवैद्यकीय उपचार उपलब्ध करण्यात येत असून जखमी हत्तींची काळजी घेतली जाते. तसेच सुटका करण्यात आलेल्या हत्तींचे शारीरिक आणि मानसिक आरोग्य उत्तम राहिल अशाप्रकारचे वातावरण उपलब्ध करण्यात येते. ‘वनतारा’च्या प्राणी पुनर्वसन केंद्राच्या ९९८ एकर विस्तीर्ण नैसर्गिक जंगलात हत्ती मुक्तपणे वावरून चारा, माती आणि धुळीत स्नान करू शकतात. शिवाय नैसर्गिकरित्या तयार करण्यात आलेल्या तलावांमध्ये स्नान करू शकतात. येथे जखमी हत्तींचे रोग व्यवस्थापन आणि त्यांच्या वेदनाशमनासाठी अॅलोपॅथी, आयुर्वेदासह एक्यूपंक्चरसारख्या इतर पर्यायी औषधांसह प्रगत पशुवैद्यकीय काळजी घेतली जाते.

नवी दिल्लीतील विज्ञान भवन येथे एका समारंभात केंद्र सरकारच्या मत्स्यव्यवसाय, पशुसंवर्धन आणि दुग्धव्यवसाय राज्यमंत्र्यांच्या हस्ते नुकताच हा पुरस्कार प्रदान करण्यात आला.

हा पुरस्कार म्हणजे प्राणी पुनर्वसन क्षेत्रातील कामाची पोचपावती

दरम्यान, वनतारा प्राणी पुनर्वसन केंद्रात प्राण्यांची सेवा करणे हे केवळ कर्तव्य नसून तो धर्म आणि सेवा मानली जाते. ही एकप्रकारची बांधिलकी असून ती खोलवर रुजलेली आहे. केंद्र सरकारकडून मिळालेला ‘प्राणी मित्र’ पुरस्कार हा भारतात प्राण्यांचे संरक्षण आणि काळजी घेण्यासाठी आपले जीवन समर्पित करणाऱ्या अगणित व्यक्तींना समर्पित असल्याची प्रतिक्रिया वनताराचे मुख्य कार्यकारी अधिकारी विवान कराणी यांनी व्यक्त केली.

हे वाचाः डिंपल, अखिलेश यादव ते बोरिस जॉन्सन! अनंत अंबानींच्या लग्नाला या राजकारण्यांनी लावली हजेरी; पाहा फोटो