सुखबीर सिंग बादल यांना सुवर्ण मंदिरातील शौचालय आणि भांडी साफ करण्याचे आदेश, अकाल तख्तने सुनावली शिक्षा

अकाल तख्तने दोन महिन्यांपूर्वी पंजाबचे माजी उपमुख्यमंत्री सुखबीर सिंग बादल यांना तन्खैया (धार्मिक बाबींमध्ये गुन्हेगार) म्हणून घोषित केले होते. शिक्षा सुनावताना अकाल तख्तचे जत्थेदार ज्ञानी रघबीर सिंह यांनी बादल यांना सुवर्ण मंदिरातील भांडी धुण्याचे आणि स्वच्छतागृहे स्वच्छ करण्याचे आदेश दिले आहेत. त्याचबरोबर पंचसिंह साहेबांच्या घराबाहेर सकाळी एक तास सेवा देण्याचे कामही त्यांच्यावर सोपविण्यात आले आहे. अकाल तख्तने शिक्षा सुनावताना बादल यांना शिक्षेदरम्यान दररोज गुरुद्वारात कीर्तन ऐकण्याचे आदेश दिले.

दोन किंवा तीन मुले जन्माला घाला! अन्यथा मानवता धोक्यात येईल; मोहन भागवत यांचं मोठं विधान

अकाली दल सरकारच्या कार्यकाळात सुखबीर सिंग बादल आणि त्यांच्या मंत्रिमंडळातील मंत्र्यांना चुकीचे राजकीय निर्णय घेतल्याबद्दल दोषी ठरवण्यात आले आहे. डेरा सच्चा सौदाचा गुरमीत राम रहीमला माफी दिल्याचा ही आरोप आहे. सुवर्ण मंदिरातील पंचसिंग साहिबांसमोर त्याने आपली चूक कबूल केली. सुखबीर सिंग बादल यांनी काही दिवसांपूर्वी अकाली दलाच्या अध्यक्षपदाचा राजीनामा दिला होता. शिक्षा जाहीर करताना जत्थेदार ज्ञानी रघबीर सिंह यांनी शिरोमणी अकाली दलाला तीन दिवसांत त्यांचा राजीनामा स्वीकारण्याचे आणि पुढील सहा महिन्यांत पक्षाच्या नव्या अध्यक्षाची निवडणूक पूर्ण करण्याचे आदेश दिले.

बांगलादेशातील हिंदुंच्या रक्षणासाठी पंतप्रधान नरेंद्र मोदींनी त्वरित हस्तक्षेप करावा: मुख्यमंत्र्याने केली मागणी

राम रहीमने गुरु गोबिंद सिंह सारखी वेशभूषा परिधान केली होती -

२००७ मध्ये गुरमीत राम रहीमने गुरु गोविंद सिंग यांची वेशभूषा करून लोकांना अमृताची चव चाखण्याचा प्रयत्न केला होता. या प्रकरणी राम रहीमविरोधात गुन्हाही दाखल करण्यात आला होता, पण अकाली सरकारने राम रहीमवरील खटले मागे घेतले. अकाल तख्तने राम रहीमची शिक्षा माफ केल्याच्या आरोपावरून माजी मुख्यमंत्री प्रकाशसिंग बादल यांना दिलेली फकर-ए-कोम ही उपाधीही मागे घेतली.

यापूर्वी ३० ऑगस्ट रोजी सुखबीर यांना अकाल तख्तने 'तनखैया' म्हणून घोषित केले होते. पंजाब सरकारमध्ये असताना २००७ ते २०१७ या काळात अकाली दलाने चुकीचे राजकीय निर्णय घेतल्याची कबुली अकाली तख्तने दिली आहे. शिरोमणी अकाली दलाशी संबंधित बाबींवर चर्चा करण्यासाठी अकाल तख्तच्या जत्थेदारांनी सुवर्ण मंदिरात पाच सिंह साहिबांची बैठक बोलावली होती आणि सुखबीर सिंग बादल यांना सुनावणीवेळी उपस्थित राहण्याचे आदेश दिले होते.