Afghanistan Earthquake : देव तारी त्याला.. तब्बल ३६ तास ढिगाऱ्याखाली दबूनही चिमुकली सुखरुप बचावली, पाहा VIDEO

देव तारी त्याला कोण मारी ही म्हण अफगाणिस्तानमधील या विध्वंसकारी भूकंपात खरी ठरली आहे. ३६ तासाहून अधिक काळ ढिगाऱ्याखाली दबूनही एक चिमुकली वाचली आहे. बचाव पथकाने तिला सुखरुप बाहेर काढले आहे. 

जवळपास सहा ते आठ महिन्यांचे हे बाळ शेकडो टन वजनाच्या ढिगाऱ्याखालून अडकले होते. जवळपास तीन दिवस अन्न-पाण्यावाचून व हवेशिवाय ही चिमुकली मृत्यूच्या दाढेतून परतली आहे. ही घटना अफगाणिस्तानमधील हेरात प्रांतात घडली आहे. मंगळवारी या बाळाला ढिगाऱ्याखालून सुखरुप बाहेर काढण्यात आलं. या चिमुकलीचा व्हिडिओ सध्या सोशल मीडियावर मोठ्या प्रमाणात व्हायरल होत आहे.

अफगाणिस्तानमध्ये दोन दिवसापूर्वी ६.३ रिश्टर स्केलचा शक्तिशाली भूकंप आला होता. या आपत्तीत ४ हजार लोकांचा बळी गेला सून जखमींचा आकडा १० हजारांहून अधिक आहे. अफगाणिस्तानमधील गेल्या ४० वर्षातील ही सर्वात मोठी आपत्ती असल्याचे म्हटले जात आहे.