Jnu clashes video viral : जेएनयूमध्ये मध्यरात्री राडा! ABVP आणि डाव्या संघटनांमध्ये तुफान हाणामारी
abvp and left students groups clash at jnu : भाषा संस्थेत निवडणूक समिती सदस्यांच्या निवडीवरून गुरुवारी रात्री जेएनयूत दोन विद्यार्थी गटांमध्ये तुंबळ हाणामारी झाली. या हाणामारीत काही विद्यार्थी जखमी झाले. या राड्याचे व्हिडिओ सोशल मीडियावर व्हायरल झाले आहेत.
abvp and left students groups clash at jnu : राजधानी दिल्लीत असलेल्या जवाहरलाल नेहरू विद्यापीठ (जेएनयू) मध्यरात्री तूफान राडा झाला. जेएनयूमधील भाषा संस्थेत निवडणूक समिती सदस्यांच्या निवडीवरून गुरुवारी रात्री दोन विद्यार्थी गटांमध्ये झालेल्या तूफान हाणामारीत काही विद्यार्थी जखमी झाले. सोशल मीडियावर विद्यार्थ्यांमधील हाणामारीचे व्हिडिओ व्हायरल होत आहेत.
भाजपला देणगी देणे माजी न्यायाधीशांना पडले महागात! इलेक्टोरल बाँडच्या नावाखाली अडीच कोटींनी गंडवले
विद्यापीठाच्या एका अधिकाऱ्याने सांगितले की, हा हाणामारीत जखमी झालेल्या काही विद्यार्थ्यांना सफदरजंग रुग्णालयात दाखल करण्यात आले आहे. या घटनेचा एक व्हिडिओ समोर आला आहे, ज्यामध्ये एक व्यक्ती काही विद्यार्थ्यांना काठीने मारहाण करताना दिसत आहे, तर दुसऱ्या क्लिपमध्ये एक व्यक्ती विद्यार्थ्यांवर सायकल फेकताना दिसत आहे. घटनेच्या आणखी एका व्हिडिओमध्ये, काही मुले ही इतर मुलांना मारतांना दिसत आहेत आणि विद्यापीठ सुरक्षा कर्मचारी त्यांना वाचवण्याचा प्रयत्न करताना दिसत आहेत.
अखिल भारतीय विद्यार्थी परिषद (ABVP) आणि डाव्या गटातील विद्यार्थ्यांनी एकमेकांविरोधात पोलिसात तक्रारी केल्या आहेत. या घटनेवर विद्यापीठ प्रशासनाने अद्याप कोणतीही प्रतिक्रिया दिलेली नाही तसेच जखमी विद्यार्थ्यांच्या संख्येबाबत कोणतीही माहिती मिळालेली नाही.
दिल्ली पोलिसांनी दिलेल्या माहितीनुसार त्यांच्याकडे दोन्ही बाजूंच्या तक्रारी आल्या आहेत. तक्रारींची चौकशी सुरू असून या हाणामारीत तीन जण जखमी झाल्याची माहिती पोलिसांना मिळाली आहे.
Pune rain : थंडी उष्णतेच्या हंगामात वरुणराजाची एन्ट्री! पुण्यात पहाटे हलक्या पावसाची हजेरी
गेल्या महिन्यातही हाणामारी झाली होती
जेएनयूमध्ये विद्यार्थी गटांमध्ये हाणामारी होण्याची ही पहिलीच घटना नाही. गेल्या महिन्यात १० फेब्रुवारीलाही जेएनयू कॅम्पमध्ये विद्यार्थी संघटनांच्या निवडणुका घेण्यासाठी बोलावलेल्या बैठकीत अभाविप आणि डाव्या गटात मारामारी झाली होती. ज्यामध्ये दोन्ही पक्षांनी दावा केला आहे की त्यांचे काही सदस्य जखमी झाले आहेत. या भांडणासाठी दोन्ही पक्षांनी एकमेकांवर आरोप केले होते.
JNU मध्ये २०२४ च्या JNU विद्यार्थी संघाच्या निवडणुकीसाठी निवडणूक आयोगाच्या सदस्यांची निवड करण्यासाठी साबरमती धाब्यावर युनिव्हर्सिटी जनरल बॉडी मीटिंग (UGBM) बोलावण्यात आली होती. यावेळी विद्यार्थी गटांमध्ये हाणामारी झाली. ABVP सदस्यांनी मंचावर चढून कौन्सिल सदस्य आणि वक्त्यांना मारहाण केल्याचा आरोप डाव्या-संलग्न डीएसएफने केला. या घटनेनंतर सोशल मीडियावर दोन्ही गटांनी शेअर केलेल्या व्हिडिओंमध्ये एबीव्हीपी आणि जेएनयूएसयू सदस्य घोषणाबाजी करताना दिसले.
