मराठी बातम्या  /  देश-विदेश  /  Delhi Water Crisis : 'आप'चे आमदार पाणी विकत आहेत', गंभीर पाणीटंचाईच्या पार्श्वभूमीवर भाजपचा मोठा आरोप

Delhi Water Crisis : 'आप'चे आमदार पाणी विकत आहेत', गंभीर पाणीटंचाईच्या पार्श्वभूमीवर भाजपचा मोठा आरोप

Jun 18, 2024 12:11 AM IST

Delhi Water Crisis : दिल्ली भाजपचे अध्यक्ष वीरेंद्र सचदेवा म्हणाले की, आम आदमी पक्षाच्या सरकारने दिल्लीत पाण्याची समस्या निर्माण केली आहे. आता त्यांचा आमदार पाण्याची विक्री करत आहेत.

दिल्लीत टँकरचे पाणी मिळवण्यासाठी धडपड करणारे लोक
दिल्लीत टँकरचे पाणी मिळवण्यासाठी धडपड करणारे लोक (REUTERS)

दिल्ली भाजपचे अध्यक्ष वीरेंद्र सचदेवा यांनी 'आप'च्या आमदारांवर पाणी विकत असल्याचा आरोप केला आहे. एएनआय या वृत्तसंस्थेशी बोलताना भाजप नेत्याने आरोप केला की, आम आदमी पक्षाच्या सरकारने दिल्लीत पाण्याची समस्या निर्माण केली आहे. त्यांनी गेल्या १० वर्षांत पाण्याचा प्रश्न सोडविण्यासाठी काम केले नाही.

ट्रेंडिंग न्यूज

दिल्लीतील पाण्याचे संकट दिल्ली सरकारने निर्माण केले आहे. या संकटात'आप'चे आमदार पाणी विकून जनतेला लुटत आहेत. 'आप' सरकारने वेळीच गळती यंत्रणा दुरुस्त केली असती तर दिल्लीच्या जनतेला पाणीटंचाईला सामोरे जावे लागले नसते. दिल्लीतील पाण्याच्या गळतीचा प्रश्न सुटला असता तर लोकांना अशा परिस्थितीला सामोरे जावे लागले नसते.

दरम्यान, दिल्लीच्या जलमंत्री आतिशी यांनी सोमवारी दिल्ली जल बोर्डाच्या अधिकाऱ्यांसमवेत वजीराबाद जलशुद्धीकरण केंद्राची पाहणी केली. हरयाणा सरकारने यमुना नदीत पाणी सोडले नाही, त्यामुळे दिल्लीत पाणीटंचाई निर्माण झाली आहे, असा आरोप त्यांनी प्रसारमाध्यमांशी बोलताना केला.

येथील पाणी अनेक जलशुद्धीकरण केंद्रांना पाठविले जाते. वजीराबाद बंधाऱ्यात पाणी सोडले जात नाही. पाण्याची पातळी इतकी खालावली आहे की आता नदीचे पात्र दिसू लागले आहे... दिल्लीच्या जनतेला भेडसावत असलेल्या समस्येवर तोडगा काढण्यासाठी आम्ही हरियाणा सरकारला आवाहन केले आहे. जोपर्यंत हरियाणा यमुनेत पाणी सोडत नाही, तोपर्यंत दिल्लीत पाणीटंचाई कायम राहणार आहे. मुनक कालव्याला अत्यल्प पाणी येत आहे तर दुसरीकडे वजीराबाद बंधाऱ्याला पाणी मिळत नाही... मी फक्त हात जोडून हरयाणा सरकारसमोर उभी राहू शकते आणि म्हणू शकते की दिल्लीच्या लोकांचे जीवन त्यांच्या हातात आहे.

'आप'चे राज्यसभेचे खासदार संजय सिंह यांनी सोमवारी भारतीय जनता पक्ष राष्ट्रीय राजधानी दिल्लीतील पाण्याच्या समस्येला खतपाणी घालत असल्याचा आरोप केला. भाजपला कोणत्याही मार्गाने, कोणत्याही मार्गाने, कोणत्याही मार्गाने दिल्लीला पाण्याच्या संकटात टाकण्याचा प्रयत्न केला जात आहे, असा दावा त्यांनी केला.

दिल्लीला सध्या भीषण पाणी टंचाई दिसून येत असून लोकांना टँकरवर अवलंबून रहावे लागत आहे. त्यामुळं पाणी दिसलं की लोकांच्या झुंडीच्या झुंडी तिकडं धावत आहेत. गोविंदपुरी भागात पाण्याचा टँकर जेव्हा पोहोचला, तेव्हा लोक थेट टँकरवर चढले. महिलाही जीव धोक्यात घालून टँकरच्या मागे धावत असल्याचे दिसत आहे.

WhatsApp channel
विभाग