मराठी बातम्या  /  देश-विदेश  /  भारतीय लष्कराने सिक्किममध्ये ७२ तासात उभारला ७० फूट उंचीची बेली ब्रीज, महापूर व भूस्खलनामुळे तुटलेला संपर्क पूर्ववत

भारतीय लष्कराने सिक्किममध्ये ७२ तासात उभारला ७० फूट उंचीची बेली ब्रीज, महापूर व भूस्खलनामुळे तुटलेला संपर्क पूर्ववत

Jun 27, 2024 10:49 PM IST

Sikkim bailey bridge : पीआरओ डिफेन्सने पूरग्रस्त सिक्कीममध्ये संपर्क पूर्ववत करण्याच्या प्रयत्नांचे श्रेय बॉर्डर रोड ऑर्गनायझेशन आणि स्थानिक प्रशासनाला दिले

भारतीय लष्कराने सिक्किममध्ये ७२ तासात उभारला ७० फूट उंचीची बेली ब्रीज. (PTI)
भारतीय लष्कराने सिक्किममध्ये ७२ तासात उभारला ७० फूट उंचीची बेली ब्रीज. (PTI)

सिक्किममध्ये नुकत्याच आलेल्या महापुराने अनेक क्षेत्राचा संपर्क तुटला होता. या भागातील कनेक्टिविटी सुरू करणे व वाहूतक पूर्ववत करण्यासाठी बीआरओ आणि स्थानिक प्रशासनाच्या प्रयत्नांना मदत करत त्रिशक्ति कोरच्या लष्करी अभियंत्यांनी पुलाचे निर्माण केले आहे. मूसळधार पाऊस व आव्हानात्मक तांत्रिक अडचणींचा सांना करत लष्कराने दिकचू – सांकलांग महामार्गावर ७० फूट बेली ब्रीजचे निर्माण केले. सिक्किममध्ये महापुरामुळे उत्तर सिक्किममधील अनेक भागातील वाहतूक प्रभावित झाली होती. 

सिक्कीमची राजधानी गंगटोकमध्ये नुकत्याच आलेल्या पुरामुळे तुटलेला संपर्क पूर्वपदावर आणण्यासाठी लष्कराच्या अभियंत्यांनी ७२ तासांत डिक्चू-सांकलांग रस्त्यावर ७० फूट उंचीचा बेली ब्रिज बांधला.

ट्रेंडिंग न्यूज

गुवाहाटी येथील पीआरओ डिफेन्स यांनी दिलेल्या माहितीनुसार, त्रिशक्ती कॉर्प्स आर्मीच्या अभियंत्यांनी २३ जून रोजी बांधकाम सुरू केले. पीआरओ डिफेन्सने बॉर्डर रोड ऑर्गनायझेशन (बीआरओ) आणि स्थानिक प्रशासनाला संपर्क पूर्ववत करण्यासाठी आणि पूरग्रस्त भागात सामान्य परिस्थिती परत आणण्याच्या प्रयत्नांचे श्रेय दिले.

डिक्चू-सांकलांग रस्त्यावर डेट खोला येथे बांधण्यात आलेला पूल हा डिक्चू ते संकलांग पर्यंत चुंगथांगच्या दिशेने जाणारी वाहतूक सक्षम करण्यासाठी महत्त्वाचा दुवा आहे, असे पीआरओ डिफेन्सने सांगितले.

तिस्ता नदीजवळ असलेल्या मंगनमध्ये १६ जूनपर्यंत १२०० पर्यटक अडकले होते. या पुलामुळे बाधित लोकांसाठी अत्यावश्यक आरोग्य सेवेसारख्या मूलभूत गरजा आणण्यास मदत होईल, असे पीआरओ डिफेन्स यांनी सांगितले.

डिक्चू ते सांकलांग ते चुंगथांगच्या दिशेने जाणारी वाहतूक सुरळीत करण्यासाठी हा पूल महत्त्वाचा दुवा आहे. या पुलामुळे माणगाव जिल्ह्यातील पूरग्रस्तांना अत्यावश्यक वैद्यकीय मदतीसह मूलभूत गरजा पुरविण्यास मदत होणार आहे, अशी माहिती पीआरओ डिफेन्सने दिली.

सिक्कीमचे वन आणि पर्यावरण मंत्री पिंत्सो नामग्याल लेप्चा यांनी २७ जून रोजी घटनास्थळाला भेट दिली आणि इतक्या वेगाने पूल पूर्ण करण्याच्या भारतीय लष्कराच्या प्रयत्नांचे कौतुक केले, असे पीआरओ डिफेन्स यांनी सांगितले.

उत्तर सिक्कीममध्ये मुसळधार पावसामुळे अनेक ठिकाणी भूस्खलन झाले असून या भागातील रस्ते वाहतुकीवर परिणाम झाला आहे. उत्तर सिक्कीमकडे जाणारे डिक्चू-सांकलांग-टूंग, मंगन-सांकलांग, सिंगथम-रंगरंग आणि रंगरंग-तूंग या रस्त्यांवर ११ जूनपासून पावसाने हजेरी लावली आहे.

उत्तर सिक्कीममधील सीमावर्ती गावांमध्ये संपर्क पूर्ववत करण्यासाठी त्रिशक्ती कॉर्प्सच्या भारतीय लष्कराच्या अभियंत्यांनी २३ जून रोजी १५० फूट लांबीचा सस्पेंशन ब्रिज बांधला होता.

 

WhatsApp channel
विभाग