Hathras Stampede: उत्तर प्रदेशातील हाथरसमध्ये धार्मिक कार्यक्रमात चेंगराचेंगरी; ११६ जणांचा मृत्यू

उत्तर प्रदेशातील हाथरस जिल्ह्यात मंगळवारी (०२ जुलै २०२४) एका धार्मिक कार्यक्रमादरम्यान झालेल्या चेंगराचेंगरीत ११६ जणांचा मृत्यू झाल्याची घटना उघडकीस आली. मृतांमध्ये महिला आणि लहान मुलांचा समावेश असल्याचे संगितले जात आहे. हाथरस जिल्ह्यातील सिकंदरा राऊ भागातील रती भानपूर गावात एक धार्मिक प्रचारक आपल्या अनुयायांना संबोधित करत असताना ही घटना घडली.

पोलिसांनी दिलेल्या माहितीनुसार, 'धर्मप्रचारक भोळेबाबांचा धार्मिक कार्यक्रम होता. या धार्मिक कार्यक्रमाला स्थानिक लोकांनी प्रचंड गर्दी केली. त्यानंतर गुदमरु लागल्याने सहभागी झालेल्या लोकांमध्ये अस्वस्थता पसरली. यानंतर लोकांनी इकडे तिकडे धावायला सुरुवात केल्याने चेंगराचेंगरी झाली. या कार्यक्रमादरम्यान अत्यंत उष्ण आणि दमट वातावरण होते, अशी माहिती अलिगड परिक्षेत्राचे महानिरीक्षक शलभ माथुर यांनी दिली.

धक्कादायक..! १६ वर्षाच्या मुलाकडून शेजारच्या ९ वर्षीय मुलीची गळा दाबून हत्या, मृतदेह घरातच जाळण्याचा प्रयत्न

गंगा देवी (वय ७०, रा. हाथरस), प्रियांका (वय २०, रा. कासगंज), जसोदा (वय ७०, मथुरा) आणि सरोज लता (वय ६०, रा. एटा) अशी या घटनेत मरण पावलेल्या महिलांची नावे आहेत. तर, काव्या (वय, ४) आणि आयुष (वय, ८) अशी मृत मुलांची नावे असून दोघेही शहाजहानपूरचे रहिवासी आहेत. घटनेचे नेमके कारण तपासले जात आहे.

पंतप्रधानांशी हात मिळवताना वाकतात आणि माझ्यापुढं छाती काढतात; राहुल गांधी यांची जोरदार फटकेबाजी

बचावलेल्यापैकी एकाने दिलेल्या माहितीनुसार, धार्मिक कार्यक्रम संपल्यानंतर चेंगराचेंगरी झाली. कार्यक्रम संपताच सगळेजण बाहेर पडण्यासाठी धावू लागल्याने ही घटना घडली. “घटनास्थळी अनुयायांची मोठी गर्दी जमली होती. बाहेर पडण्याचा मार्ग नव्हता आणि सर्वजण एकमेकांवर पडले आणि चेंगराचेंगरी झाली. मी बाहेर जाण्याचा प्रयत्न केला तेव्हा बाहेर मोटारसायकली उभ्या होत्या, ज्यामुळे माझा मार्ग बंद झाला. अनेकजण बेशुद्ध झाले, तर काहींचा मृत्यू झाला”, अशी माहिती जवळच्या रुग्णालयात दाखल असलेल्या एका पीडितेने दिली.

काय चाललंय काय? आधी आइसक्रीमध्ये तुटलेलं बोट, नंतर चीप्समध्ये बेडूक... आता सांभरमध्ये आढळला उंदीर

मुख्यमंत्री योगी आदित्यनाथ शोकाकूळ

दरम्यान, उत्तर प्रदेशचे मुख्यमंत्री योगी आदित्यनाथ यांनी या घटनेबद्दल दु:ख व्यक्त केले असून हाथरस जिल्ह्यातील आणि आसपासच्या अधिकाऱ्यांना बचाव आणि मदत कार्याला गती देण्याचे निर्देश दिले आहेत.