Gold scam in kedarnath: केदारनाथ धाममध्ये २२८ किलो सोन्याचा घोटाळा, शंकराचार्य अविमुक्तेश्वरानंद यांचा गंभीर आरोप, VIDEO

शंकराचार्यांनी यावेळी अनंत अंबानी यांच्या विवाह समारंभात पंतप्रधान मोदींची भेट झाल्याचे म्हटले. त्यांनी म्हटले की, पीएम नरेंद्र मोदींनी मला प्रणाम केला, मीही त्यांना आशीर्वाद दिला. आम्ही त्यांचे शत्रू नाही तर हितचिंतक आहे. जेव्हा ते चुकीचे करतात तेव्हा आम्ही स्पष्ट सांगतो की, येथे चूक झाली आहे. शंकराचार्यांनी म्हटले की, शास्त्रांमध्ये लिहिले आहे की, सोमनाथ सौराष्ट्र म्हणजे गुजरातमध्ये असेल. केदारनाथ हिमालयात असेल. याला कोणता पर्याय असू शकत नाही. जर आम्ही हे दिल्लीत बनवण्याचा प्रयत्न करू तर ते चुकीचे होईल. केदारनाथ एकच आहे व जेथे आहे, तेथेत राहील.

उद्धव ठाकरे यांच्यासोबत विश्वासघात झाला; दगा देणारे हिंदू नाहीत; 'मातोश्री' भेटीनंतर शंकराचार्यांचं मोठं विधान

शंकराचार्यांनी म्हटले की, केदारनाथमध्ये सोन्याचा घोटाळा झाला आहे. यावर का आवाज उठवला जात नाही? तेथे घोटाळा केल्यानंतर आता दिल्लीत केदारनाथ बनत आहे? आता आणखी एक घोटाळा होईल. गेल्यावर्षी केदारनाथ धामच्या एका पुजाऱ्याने आरोप केला होता की, १२५ कोटी रुपयांच्या सोन्याचा घोटाळा झाला आहे. हे सोने मंदिरावर चढवले जाणार होते. मात्र त्याजागी तांब्याचा वापर केला गेला. मात्र या आरोपांचे मंदिर समितीने खंडन केले होते. आज पुन्हा असे आरोप शंकराचार्यांनी लावले आहेत. त्यांनी म्हटले की, केदारनाथमधून २२८किलो सोने गायब आहे. यासाठी कोण जबाबदार आहे.

मुख्यमंत्री पुष्कर धामी यांनी दिल्लीत केले मंदिराचे भूमिपूजन -

गेल्या बुधवारी दिल्लीतील बुराडी येथे केदारनाथ मंदिराचे भूमिपूजन केले होते. यावेळी उत्तराखंडचे मुख्यमंत्री पुष्कर सिंह धामी उपस्थित होते. याच्या विरोधात केदारनाथ धाममधील पुजाऱ्यांनी आंदोलन केले होते. पुजाऱ्यांचे म्हणणे होते की, हे चुकीचे आहे. केदार सभेचे प्रवक्ते पंकज शुक्ला यांनी म्हटले की, आम्ही मंदिर निर्माणाच्या विरोधात नाही. मात्र केदारनाथ धाम सारखेच मंदिर बनवणे योग्य नाही. जर केदारनाथ धाम परिसरातील एक दगड जरी तिकडे नेला तर रुद्रप्रयाग जिल्ह्यातील केदारनाथ धामाचे महत्व कमी होईल.