Elon Musk on American Election : टेस्ला आणि सोशल मीडिया प्लॅटफॉर्म X चे मालक इलॉन मस्क यांनी असा दावा केला आहे की, २०२४च्या शेवटी अमेरिकेत होणारी अध्यक्षी पदाची निवडणूक ही शेवटची निवडणूक असेल ज्यामध्ये अमेरिकन नागरिकांची थेट भूमिका असेल. अमेरिकेत वाढणाऱ्या बेकायदेशीर स्थलांतरितांच्या प्रश्नामुळे इलॉन मस्क यांनी चिंता व्यक्त करत वरील विधान केले आहे. हाऊस रिपब्लिकनने मंजूर केलेल्या नवीन विधेयकाच्या पार्श्वभूमीवर त्यांनी टीका केली आहे. या विधेयकानुसार अमेरिकेचे सरकार स्थलांतरीतांना थेट नागरिकत्व देण्याची तयारी करत आहेत. मात्र, या निर्णयाला व्हाईट हाऊस आणि डेमोक्रॅटिक खासदारांनी विरोध केला आहे.
इंडिपेंडंटमधील एका अहवालानुसार, हे विधेयक कोणत्याही निवडणुकीशी संबंधित लोकसंख्येतून कायमस्वरूपी अमेरिकन नागरिकांना वगळून इतरांना त्यातून वगळण्यासाठी तयार करण्यात आले आहे. यामुळे अमेरिकेतील कायमस्वरूपी स्थाईक नागरिकांच्या संख्येच्या आधारावरच काँग्रेसच्या जागांची संख्या ठरवण्यात येणार आहे. सभागृहाचे अध्यक्ष माइक जॉन्सन यांनी या विधेयकाचे समर्थन केले आहे. त्यांनी म्हटले आहे की निवडणुकीत जागा वाटपासाठी केवळ अमेरिकेतील स्थानिक नगरिकांचीच संख्या गृहीत धरली जाईल.
आम्ही तुम्हाला सांगतो की जर हे विधेयक लागू झाले तर त्याचा परिणाम अशा राज्यांमध्ये दिसून येईल जिथे स्थलांतरितांची संख्या मोठी आहे. काँग्रेसमधील स्थलांतरितांचे प्रतिनिधित्व या विधेयकामुळे कमी होऊ शकते. या विधेयकाच्या टीकाकारांच्या युक्तिवादानुसार ही विधेयक चौदाव्या घटना दुरुस्तीचे उल्लंघन करते, कारण, जनगणनेदरम्यान प्रत्येक राज्यात राहत असलेल्या नागरीकांची गणना करणे अनिवार्य आहे.
जो बायडन यांच्या सरकारने जनगणनेची अचूकता आणि गैर-राजकीय हस्तक्षेपाची ऐतिहासिक परंपरा राखण्याच्या आपल्या वचनबद्धतेवर जोर देऊन विधेयकाला तीव्र विरोध केला आहे.
मस्क यांनी केलेले विधान सध्या अमेरिकेतील नागरिक, राजकारणातील स्थलांतरीतांचा प्रश्न आणि लोकशाहीवर होणाऱ्या प्रभावाबाबत खोलवर होत असलेली विभागणी अधोरेखित करते. यावरून असे दिसून येते की डेमोक्रॅटिक पक्ष हा गैर-अमेरिकन नागरिकांच्या मदतीने निवडणूकीत आपली बाजू भक्कम करू शकतील.
संबंधित बातम्या