अरे देवा.. ! २० विवाह, १०४ मुले अन् १४४ नातवंडे; या व्यक्तीने एकट्यानेच वसवले संपूर्ण गाव

वडिलांची इच्छा होती की, कुटुंब वाढलं पाहिजे -

२० विवाह केलेल्या या माणसाचं नाव आहे मजी अर्नेस्टो मुइनुची. या व्यक्तीने आपल्या प्रत्येक पत्नीसाठी स्वतंत्र घराची ही व्यवस्था केली आहे. शिवाय कुटुंबाच्या पालनपोषणाची जबाबदारी एकट्या कुटूंब प्रमुखाच्या डोक्यावर नसून जे काम करू शकतात ते स्वत:चे काम करतात. मुईनुची सांगतात की त्यांच्या वडिलांची इच्छा होती की त्यांचे कुटुंब मोठे व्हावे. त्याच्या वडिलांनी सांगितले की, त्याचे कुळ लहान आहे, त्यामुळे हे वाढले पाहिजे. मुईनुचीला सात बहिणीही आहेत.

आफ्रिकन देश स्वतंत्र होत असताना १९६१ मध्ये मुइनुची यांचा जन्म झाला. मुईनुसी म्हणाले की, त्यांचे वडील म्हणायचे की एक पत्नी पुरेशी नाही. अशा तऱ्हेने त्याने स्वत: मुईनुचीचे पाच लग्न लावून दिले. त्यासाठी मुईनुचीच्या वडिलांना हुंडाही द्यावा लागला. बाकीचे लग्न मुईनुचीने स्वत: केले होते.

संपूर्ण कुटुंब शेतीच्या कामावर अवलंबून आहे. त्यांचे मोठे कुटुंब शेतीवर उदरनिर्वाह करते. ते केळी, सोयाबीन आणि मक्याची लागवड करतात. "लोकांना वाटेल की मी एवढं मोठं कुटुंब सांभाळतो, पण तसं नाही," मुईनुची म्हणाले,  कुटुंब सांभाळण्यात महिलांची खरी भूमिका असते आणि त्या हे सर्व करत असतात.

घरात वाद झाला तरी महिला स्वत:हून ते सोडवतात. वाद वाढला तर तो माझ्यापर्यंत पोहोचतो. "कधी कधी मी माझ्या मुलांची आणि नातवंडांची नावेही विसरतो. "मला जवळपास ५० नावं आठवतात, पण बाकीची नावे मी चेहऱ्याने ओळखतो आणि नावे आठवत नाहीत," ते म्हणाले. त्यांच्या ४० मुलांचा मृत्यू झाला आहे. काहींचा आजारपणामुळे तर काहींचा अपघातामुळे मृत्यू झाला.