spurious liquor : विषारी दारू प्यायल्याने १७ जण रुग्णालयात दाखल, ५ जणांची प्रकृती चिंतानजनक
Odisha Spurious Liquor News: ओडिशातील कर्बलुआ गावातील सुमारे २० जणांनी सोमवारी सायंकाळी माऊंडपूर गावात देशी दारू प्यायली होती, त्यापैकी १७ जणांनी अस्वस्थता आणि तीव्र उलट्यांची तक्रार केल्यानंतर त्यांना जवळच्या रुग्णालयात दाखल करण्यात आले.
illicit liquor: ओडिशातील गंजम जिल्ह्यात विषारी देशी दारू प्यायल्याने १७ जणांना रुग्णालयात दाखल करण्यात आले आहे. अधिकाऱ्यांनी सांगितले की, गंजम जिल्ह्यातील करबलुआ गावातील सुमारे २० लोकांनी सोमवारी संध्याकाळी माऊंडपूर गावात देशी दारू प्यायली होती, त्यापैकी १७ जणांनी अस्वस्थता आणि तीव्र उलट्यांची तक्रार केली होती. चिकिटी येथील सामुदायिक आरोग्य केंद्रात दाखल केल्यानंतर पाच जणांची तब्येत बिघडल्याने त्यांना ब्रह्मपूर शहरातील एमकेसीजी वैद्यकीय महाविद्यालय व रुग्णालयात दाखल करण्यात आले.
ओडिशातील गंजाम जिल्ह्यात विषारी देशी दारू प्यायल्याने १७ जण आजारी पडल्याची माहिती समोर आली. स्थानिक मीडिया रिपोर्ट्सनुसार, ही घटना चिकिट्टी ब्लॉकच्या के. के. नुआगा पोलिस ठाण्यांतर्गत येणाऱ्या मौंदपूर गावातील आहे. येथील काही लोक देशी दारू प्यायल्याने अचानक त्यांची प्रकृती बिघडली. दारूमध्ये खूप जास्त यीस्ट घालण्यात आल्याचा आरोप आहे. सर्व लोकांना उपचारासाठी जवळच्या रुग्णालयात दाखल करण्यात आले आहे. यातील पाच जणांची प्रकृती चिंताजनक असल्याचे सांगण्यात येत आहे. याप्रकरणी स्थानिक पोलीस अधिक तपास करीत आहे.
घटनेची माहिती मिळताच उत्पादन शुल्क विभागाचे पथक घटनास्थळी पोहोचले. अधिकाऱ्यांनी मौंदपूर, जैनापूर आणि करबलुआ गावात शोधमोहीम राबवली. मात्र, या घटनेत अद्याप कोणालाही अटक करण्यात आलेली नाही. विषारी दारू प्यायल्यामुळेच संबंधित लोकांना रुग्णालयात दाखल करण्यात आले आहे की, यामागे दुसरे काही कारण आहे, याचा पोलीस शोध घेत आहेत. चिकिटीचे आमदार मनोरंजन ज्ञान समंत्रा यांनी घटनास्थळी भेट देऊन परिस्थितीचा आढावा घेतला आणि अवैध मद्यविक्री रोखण्यासाठी उत्पादन शुल्क विभाग नियमित पणे छापे टाकत नसल्याचा आरोप केला.
अन्नातून विषबाधा झाल्याने चार मुलांचा मृत्यू
आंध्र प्रदेशातील अनाकापल्ली जिल्ह्यातील कोटारतला ब्लॉकमधील कैलासपट्टणम गावात अल्पसंख्याक संघटनेच्या अनाथाश्रमात अन्नातून विषबाधा झाल्याने चार मुलांचा मृत्यू झाला असून २४ जणांना रुग्णालयात दाखल करण्यात आले आहे. जशुवा, भवानी, नित्या आणि श्रद्धा अशी मृत मुलांची नावे असून या सर्व वयोगटातील सर्व जण ८ ते ९ वयोगटातील आहेत. सात मुलांवर नरसीपट्टणम परिसरातील रुग्णालयात उपचार सुरू आहेत, तर १७ मुले अनकापल्ली येथील सरकारी रुग्णालयात दाखल आहेत. त्यापैकी चौघांना विशाखापट्टणमच्या किंग जॉर्ज रुग्णालयात उपचारासाठी दाखल करण्यात आले आहे, अशी माहिती अनाकापल्लीच्या जिल्हाधिकारी विजया कृष्णन यांनी पत्रकारांना दिली.