Viral News: छतावर कपडे वाळवत असताना ११ हजार व्होल्टच्या लाईनच्या संपर्कात; ११ वर्षीय मुलीने दोन्ही गमावले
Lucknow 11-yr-old girl loses both hands: या घटनेनंतर मुलीला तातडीने केजीएमयू ट्रॉमा सेंटरमध्ये दाखल करण्यात आले, जिथे तिचे दोन्ही हात कापावे लागले.
Girl Contact With 11000 Volt Line: ११ हजार व्होल्टच्या लाईनच्या संपर्कात आल्याने एका ११ वर्षीय मुलीला दोन्ही हात गमवावे लागले. लखनौच्या ठाकूरगंज पोलीस ठाण्याअंतर्गत बरोरा हुसेनबारी येथील शिवम भट्ट प्रेम नगर भागात ही मुलगी छतावर कपडे वाळवत असताना घरावरून जाणाऱ्या हायव्होल्टेज लाइनच्या ती संपर्कात आली.
या घटनेनंतर मुलीला तातडीने केजीएमयू ट्रॉमा सेंटरमध्ये दाखल करण्यात आले, जिथे तिचे दोन्ही हात कापावे लागले. तिची प्रकृती अजूनही चिंताजनक आहे. दरम्यान, या घटनेबाबत लेसाचे अधिकारी मौन बाळगून असले तरी स्थानिक रहिवाशांमध्ये प्रचंड संताप व्यक्त होत आहे. हायटेन्शन लाइन घरांना धोकादायक असल्याबाबत वारंवार तक्रारी करूनही वीज विभाग दुर्लक्ष करीत असल्याचा आरोप रहिवाशांनी केला. विभागाने वेळीच कारवाई केली असती तर हा अनर्थ टळला असता, असे ते म्हणाले.
भविष्यात अशा घटना घडू नयेत, यासाठी तातडीने उपाययोजना करण्याची मागणी आता केली जात आहे. सुरक्षिततेची खात्री करण्यासाठी हायटेन्शन लाइन पुन्हा उभी करावी किंवा पुरेशी इन्सुलेटेड करावी, अशी त्यांची मागणी आहे. उत्तर प्रदेश विद्युत उपभोक्ता परिषदेचे अध्यक्ष अवधेशकुमार वर्मा म्हणाले, 'वीज अधिकाऱ्यांच्या ढिसाळ वृत्तीमुळे अशा घटना घडतात. वीजवाहिन्यांच्या खाली घरे बांधली जातात हे त्यांना माहित असताना त्यांनी लोकवस्तीच्या भागातील लाईन हटवायला हव्या होत्या किंवा सुरक्षेच्या पुरेशा उपाययोजना करायला हव्या होत्या.
छत्तीसगड: पिकअप वाहन दरीत कोसळल्यानं १८ जणांचा मृत्यू
छत्तीसगडच्या कबीरधाम जिल्ह्यात पंडरिया येथे सोमवारी (२० मे २०२३) दुपारी पिकअप वाहन दरीत कोसळले. या अपघातात १८ जणांचा मृत्यू झाला. तर, ४ जण गंभीर जखमी झाले. कबीरधाम जिल्ह्यातील पंडरिया ब्लाक कुकदूर ठाणे क्षेत्रातील ग्राम बाहपीजवळ हा अपघात झाला. पोलिसांनी दिलेल्या माहितीनुसार, कुकदूर क्षेत्रातील ग्राम बाहपानीजवळ ३० लोकांना घेऊन जाणारी पिकअप दरीत कोसळली. हे सर्व लोक तेंदू पाने तोडण्यासाठी गेले होते. मात्र, तिथून परतताना हा अपघात झाला. या घटनेची माहिती मिळताच पोलीस तत्काळ घटनास्थळी धाव घेत पंचनामा केला. या घटनेने परिसरात एकच खळबळ माजली.
संबंधित बातम्या