चुनाभट्टी-बीकेसी उड्डाण पूल बांधून अनेक महिने झाले तरी सुध्दा या पुलाचे उद्घाटन करुन तो वाहतुकीसाठी खुला करण्यात येत नसल्याचे राष्ट्रवादी काँग्रेसचे आमदार नवाब मलिक संतप्त झाले आहे. सरकार जर या पुलाचे उद्घाटन करत नसेल तर आम्ही उद्घाटन करुन तो जनतेसाठी खुला करु, असा नवाब मलिक यांनी इशारा दिला होता. नवाब मलिक यांनी रविवारी हा पूल वाहतुकीसाठी खुला करावा यासाठी आंदोलन केले. जेसीबीवर उभे राहून त्यांनी आंदोलन केले. यावेळी राष्ट्रवादी काँग्रेसचे कार्यकर्ते आणि स्थानिक नागरिक या आंदोलनात सहभागी झाले होते.
Mumbai:Mumbai Metropolitan Region Development Authority&Police officials stand atop a JCB machine to talk to NCP Mumbai pres Nawab Malik who is standing atop a 2nd JCB machine.He had said he'll open Chunabhatti-BKC flyover today alleging the opening is being intentionally delayed pic.twitter.com/h1HjDeUj59
— ANI (@ANI) October 27, 2019
अमेरिकेने केलेल्या कारवाईत आयसीसचा म्होरक्या बगदादी ठार?
एमएमआरडीएच्या अधिकाऱ्यांनी समजुत काढल्यानंतर नवाब मलिक यांनी हे आंदोलन मागे घेतले. चुनाभट्टी - बीकेसी पूल बांधून बरेच दिवस झाले. मात्र या पुलाच्या उद्घाटनासाठी मुख्यमंत्री टाळाटाळ करत असल्याचा आरोप नवाब मलिक यांनी केला आहे. पुल वाहतुकीसाठी खुला न केल्यामुळे आसपासच्या परिसरामध्ये मोठ्याप्रमाणात वाहतूक कोंडी होत आहे. त्यामुळे स्थानिक नागरिकांना अडचणींचा सामना करावा लागत आहे.
Nawab Malik: Commissioner said that some signal work hasn't been completed. It'll be completed within a week. We've been assured that the bridge will be opened for public within a week. If it's not opened within a week, without any announcement we'll remove the pillars & open it. https://t.co/nmpKmY4tb8 pic.twitter.com/TjHqUQ3OY4
— ANI (@ANI) October 27, 2019
भाजपच्या नेतृत्वाखालीच राज्यात महायुतीचं सरकार काम करेल: मुख्यमंत्री
दरम्यान, उड्डाणपूल जनतेसाठी खुला करण्यासाठी केलेल आंदोलन आम्ही तात्पुरते स्थगित केले आहे. एमएमआरडीचे कमिशनर आर. ए. राजीव यांच्याशी चर्चा केल्यानंतर हे आंदोलन स्थगित करण्यात आले. सिग्नल यंत्रणेचे काम बाकी असल्याचे राजीव यांनी सांगितले. हे काम तत्काळ पूर्ण करा आणि ८ दिवसांच्या आत हा पूल जनतेसाठी खुला करा अन्यथा आज जेसीबी आणली होती उद्या बुलडोझर घेऊन आंदोलन करू, असा इशारा नवाब मलिक यांनी दिला.
