Thane Crime : नातेवाईकाकडून सतत होणाऱ्या लैंगिक अत्याचारास कंटाळून तरुणीची आत्महत्या

लैंगिक अत्याचार केल्याने पीडितेने गळफास घेऊन आत्महत्या केल्याचा प्रकार नुकताच उघडकीस आला आहे. पीडित तरुणीमूळची बिहार राज्यातील असून घरच्या हलाखीच्या परिस्थितीमुळे तिच्या वडिलांनी तिला शिक्षणासाठी चुलत आत्याच्या घरी पाठविले होते. शिक्षणानिमित्त ही मुलगी मागील काही महिन्यांपासून डायघर भागात वास्तव्यास होती.

मात्र गेल्या काही महिन्यांपासून तिच्या आत्याचा दीर तिच्यावर लैंगिक अत्याचार करत होता. वारंवार होणाऱ्या लैंगिक शोषणाला कंटाळून तिने याची तक्रार वडिलांकडे केली होती. तिचे वडील येऊन तिला परत बिहारला घेऊन जाणार होता. मात्र यापूर्वीत तिने टोकाचे पाऊल उचलले.

तिच्या आत्महत्येची माहिती वडिलांना मिळताच त्यांनी डायघर पोलीस ठाण्यात येऊन तक्रार नोंदवली. या तक्रारीच्या आधारे गुन्हा दाखल करण्यात आला असून आरोपीला ताब्यात घेण्यात आले आहे.