मराठी बातम्या  /  महाराष्ट्र  /  Viral Video: पुणे तिथे काय उणे! रस्त्यावरील पाण्यात पुणेकर तरुणानं असे काही केले की लोक म्हणाले, गडकरींचे स्वप्न पूर्ण

Viral Video: पुणे तिथे काय उणे! रस्त्यावरील पाण्यात पुणेकर तरुणानं असे काही केले की लोक म्हणाले, गडकरींचे स्वप्न पूर्ण

Jun 07, 2024 03:18 PM IST

Pune yerwada rain viral video : पुण्यात गेल्या दोन दिवसांपासून मुसळधार पावसाने हजेरी लावली आहे. या पावसामुळे रस्त्यावरून पाणी ओसंडून वाहत आहे. या रस्त्यावरच्या पाण्यात पुणेकर तरुणाने केलेल्या मस्तीचा व्हिडीओ सध्या सोशल मिडीयावर व्हायरल होतो आहे.

सध्या पुण्यात जोरदार पाऊस पडत असून रस्ते पाण्याने वाहू लागले आहे. या पावसाचा आनंद लुटतांना एका तरुणाचा व्हिडीओ चांगलाच व्हायरल झाला आहे.
सध्या पुण्यात जोरदार पाऊस पडत असून रस्ते पाण्याने वाहू लागले आहे. या पावसाचा आनंद लुटतांना एका तरुणाचा व्हिडीओ चांगलाच व्हायरल झाला आहे.

Pune yerwada  rain viral video : पुणेकर कधी काय करतील काही सांगता येत नाही. पुणेकर त्यांच्या अतरंगी स्वभावासाठी जगात प्रसिद्ध आहेत. सध्या पुण्यात जोरदार पाऊस पडत असून रस्ते पाण्याने वाहू लागले आहे. या पावसाचा आनंद लुटतांना एका तरुणाचा व्हिडीओ चांगलाच व्हायरल झाला आहे. अनेक नेटकरी या तरुणाला पाहून थक्क झाले आहे. तर काहीनी या तरुणाने नितीन गडकरी यांचे जलवाहतूकीचे स्वप्न पूर्ण केले अशी खोचक टिप्पणी देखील केली.

ट्रेंडिंग न्यूज

पावसाच्या पाण्यात भिजण्याचा मोह सर्वांनाच होतो. काही जण धो धो कोसळणाऱ्या पावसात भिजतात तर काही जण रस्त्यावरून वाहणाऱ्या पाण्यातून होडी सोडतात. पण पुण्यात व्हायरल झालेल्या व्हिडिओतील तरुणाने चक्क रस्त्यावर पाण्याचा आनंद लुटला.

Pune Kasaba Murder : पुण्यातील कसब्यात घटस्फोटीत महिलेच्या दुसऱ्या पतीची घरात शिरून कोयत्याने वार करून हत्या!

येरवडा येथे काल जोरदार पाऊस झाला. या पावसामुळे रस्तावर पाणी साचले रस्त्यांना ओढ्याचे रूप आले. या पाण्यातून पांढऱ्या रंगाच्या मोठ्या मॅटवर हा तरुण झोपला असून या वाहत्या पाण्यासह तो रस्त्यावरून इतर वाहनांसोबत प्रवास करतांना दिसत आहे. हा व्हिडिओ पाहून सर्वांनाच धक्का बसला असून तरुण पाण्यातून जात असतांना हाताने रस्त्यावरून जाणाऱ्या वाहणांना बाजूला होण्याचा इशारा करत आहे.

पावसाचा आनंद अशा पद्धतीने लुटणारा हा एकमेव असेल असे काहींनी सोशल मीडियावर हा व्हिडिओ पाहून कमेन्ट दिली आहे. तर एका व्यक्तिने तर नितीन गडकरी यांचे पुण्यातील जलवाहतुकीचे स्वप्न या तरुणाने पूर्ण केले आहे अशी कमेन्ट दिली आहे. यावर अनेकांनी हसून दाद दिली आहे. तर एकाने लिहिले, “जाशील येरवडा जेलमध्ये थेट” तर एकाने थेट गटारात जाशील असे देखील म्हटले आहे. तर एकाने पुण्यातील पोर्शे कार अपघाताचा संदर्भ देत, 'कारण त्याला माहीत आहे की एवढ्या पाण्यात पोर्शे काय येत नाय......' अशी कमेंट केली आहे. 'नका घालू वाद, हा आहे पुण्याचा नाद', अशी कमेंट एकाने केली आहे.

टी-२० वर्ल्डकप २०२४

विभाग