प्रेमात अडसर ठरणाऱ्या पतीची प्रियकराच्या मदतीनं मुलींसमोरच केली हत्या; घरात चोरीचा रचला बनाव, पुण्यातील घटना

पोलिसांनी दिलेल्या माहितीनुसार राहुल पंढरीनाथ निवंगुणे (वय ४२) असे खून झालेल्या व्यक्तीचे नाव आहे. राहुल निवंगुणे हे ड्रायवर आहे. ते एका खाजगी वाहनावर चालक म्हणून काम करत होते. शुक्रवारी रात्री घरी सर्व जण झोपले होते. यावेळी रात्री १ च्या सुमारास काही लोकांनी त्यांच्या घराचा दरवाजा वाजवला. यावेळी राहुल निवंगुणे यांनी दरवाजा उघडला तेव्हा काही जण चेहऱ्यावर मास्क लावून त्यांच्या पुढे उभे असल्याचं त्यांना दिसलं. त्यांनी काही विचारायच्या आत हल्लेखोरांनी राहुल यांच्यावर कोयत्याने सपासप वार केले. राहुल यांचा आवाज ऐकून त्यांच्या मुली व पत्नी दरवाजाजवळ आल्या. वडिलांवर झालेला हल्ला पाहून मुलींना धक्का बसला. यानंतर हल्लेखोरांनी दागिने व रोकड किंमती वस्तूंची चोरी केली अशी माहिती पत्नीने पोलिसांना दिली. पोलिसांना काही माहिती देण्याच्या अवस्थेत मुली नव्हत्या. त्यामुळे पोलिसांनी राहुल यांच्या पत्नीची चौकशी केली. तेव्हा त्यांच्या जबाबत त्यांना तफावत आढळली. त्यांनी कसून चौकशी केली असता पत्नीनेच राहुल यांची हत्या केली असल्याचं पुढं आलं. पोलिसांनी महिलेच्या प्रियकराला देखील अटक केली आहे. अनैतिक संबंधात अडथळा ठरत असल्याने पत्नीने प्रियकराच्या मदतीने राहुल यांची हत्या केल्याच कबूल केले.

धारावीतील मशिदीचे पाडकाम महापालिकेने तूर्त थांबवले! आता आंदोलकांनी घेतला मोठा निर्णय

या पूर्वी देखील केला होता हत्येचा प्रयत्न

राहुल यांच्या पत्नीचे अनैतिक संबंध होते. या संबधाची माहिती राहुल यांना मिळाली होती. त्यामुळे ते पत्नीवर नजर ठेऊन होते. याची कुणकुण पत्नीला लागली. त्यामुळे तिने राहुल यांची हत्या करण्याचे ठरवलं होत. तिने प्रियकराच्या मदतीने या पूर्वी देखील राहुल यांच्या हत्येचा कट रचला होता. मात्र, तो फसला होता.

मी त्याला संपवणार! बहिणीला सांगून भावाचा केला खून; मित्रांना अटक, हडपसर येथील घटनेने खळबळ

खून करून घरात दरोडा पडल्याचा रचला बनाव

राहुल यांच्यावर आरोपींनी वार केल्यावर पत्नी व मुली बाहेर आल्या. राहुल यांना रक्ताच्या थारोळ्यात पाहून त्यांना संशय आला. दरम्यान, या घटनेनंतर आरोपींनी घरातले दागिने, रोख रक्कम, किंमती वस्तू लंपास केल्याचे राहुल यांच्या पत्नीने पोलिसांना सांगितले होते. मात्र, हा बनाव असल्याच पोलिसांच्या लक्षात आल्याने या गुन्हाची उकल झाली.