मुंबई-पुणे द्रुतगती महामार्गालगत एका गोणीत आढळला अज्ञात महिलेचा मृतदेह, परिसरात खळबळ!

मिळालेल्या माहितीनुसार, मुंबई- पुणे द्रुतगती महामार्गालगत झुडपात सफाई कामगारांना रक्ताने माखलेली गोणी आढळून आली. सफाई कामगारांना वेगळाच संशय आल्याने त्यांनी ताबडतोब याची माहिती तळेगाव दाभाडे पोलिसांना दिली. यानंतर पोलिसांनी घटनास्थळी धाव घेऊन पंचनामा केला. मृत महिलेचे वय ३० च्या आसपास असण्याची शक्यता आहे. या घटनेच्या प्राथमिक तपासात मृत पीडितेचा मृतदेह कुजण्यास सुरुवात झाल्याने किमान दोन दिवसांपूर्वी हत्या करण्यात आली असावी, असा अंदाज व्यक्त केला जात आहे.

समाज कल्याण विभागात नोकरीची सुवर्णसंधी! २१९ जागांसाठी भरती, ऑनलाईन अर्ज करण्यास केवळ चार दिवस शिल्लक

दरम्यान, तपास अधिकाऱ्यांनी पीटीआयला सांगितले की, मृत महिलेची ओळख पटविण्यासाठी घटनास्थळी कोणतेही पुरावे सापडले नाहीत. याप्रकरणी अज्ञात व्यक्तींविरोधात गुन्हा दाखल करण्यात आला असून मृतदेह शवविच्छेदनासाठी रुग्णालयात पाठविण्यात आला आहे. पोलीस पुढील तपास सुरू आहे.