पुण्यात पुन्हा भरधाव कारचा थरार..! वाहनाच्या धडकेत महिला हवेत उडून रस्त्यावर आपटली, पाहा अंगावर काटा आणणारा VIDEO
Pune Accident : पुणे जिल्ह्यातील पिंपरी-चिंचवड शहरात भरधाव कारच्या धडकेत महिला गंभीर जखमी झाली आहे. रस्ता ओलांडताना महिलेला कारने उडवले. धडक इतकी भीषण होती की, महिला हवेत उडाली व गंभीररित्या जखमी झाली.
पिंपरी चिंचवडमध्ये पुणे पोर्शे कार अपघाताची पुनरावृत्ती झाली आहे. भरधाव कारने दिलेल्या धडकेत रस्त्याच्या कडेला चालणारी महिला जखमी झाली आहे. महिलेला तात्काळ रुग्णालयात दाखल करण्यात आले आणि अपघाताचे भयानक दृश्य सोशल मीडियावर व्हायरल झाले.
हिंजवडी परिसरात मंगळवारी दुपारी ही घटना घडली असून त्यातील सीसीटीव्ही फुटेजची क्लिप सोशल मीडियावर व्हायरल झाली आहे.
अपघाताच्या सीसीटीव्ही फुटेजमध्ये ही महिला रस्ता ओलांडताना दिसत असून भरधाव वेगाने येणाऱ्या कारने तिला धडक दिली. या धडकेनंतर महिला हवेत फेकली गेली आणि जोरदार जमिनीवर आदळली. ही महिला रस्त्यावर बेवारस अवस्थेत पडल्याने तेथील नागरिकांनी मदतीला धाव घेतली.
एमआयडीसी भोसरी पोलिस ठाण्याच्या हद्दीतील स्वराज चौकात १२ जून रोजी ही घटना घडली. अधिकाऱ्यांनी सांगितले की, जखमी महिलेला कारचालकाने स्वत: रुग्णालयात नेले असून तिच्यावर सध्या उपचार सुरू आहेत.
पिंपरी-चिंचवडचे डीसीपी शिवाजी पवार यांनी सांगितले की, पांढऱ्या रंगाच्या वॅगन आरसोबत झालेल्या अपघातात रेखा जखमी झाली आहे. ती आता स्थिर आहे. २४ वर्षीय आरोपीला ताब्यात घेऊन कार जप्त करण्यात आली आहे.
कारचालक मद्यधुंद अवस्थेत नव्हता, अशी माहिती पोलिसांनी दिली. चालकाचे वाहनावरील नियंत्रण सुटल्याचे प्रथमदर्शनी दिसत असल्याचे अधिकाऱ्यांनी सांगितले.
मंगळवारी दुपारी रस्त्याच्या कडेला चालत असताना कार रस्त्यावरून घसरून महिलेला धडक दिल्याने हा अपघात झाला. यात महिला जखमी झाली. घटनेनंतर काही वेळातच तिचा भाऊ आणि काका तेथे पोहोचले आणि तिला घरी घेऊन गेले. त्यांनी आम्हाला सांगितले की ते औपचारिक तक्रार दाखल करण्यासाठी पोलिस स्टेशनला भेट देतील, असे एका अधिकाऱ्याने पीटीआयला सांगितले.
पोर्चे चालवणाऱ्या एका १७ वर्षीय मुलाने दोन आयटी व्यावसायिकांना धडक दिल्याने त्यांचा मृत्यू झाल्याची घटना महिनाभरापूर्वी घडली होती. हा तरुण मद्यधुंद अवस्थेत होता आणि त्याला ताब्यात घेतल्यानंतर अवघ्या १५ तासांनी त्याची जामिनावर सुटका झाल्याने देशभरात संतापाची लाट उसळली होती.
संबंधित बातम्या