मुख्यमंत्री भेटत का नाही ? उद्धव ठाकरे यांनी दिले उत्तर

Maharashtra political crises मुख्यमंत्री उद्धव ठाकरे (CM Uddhav Thackeray) भेटत नाहीत. ते आपल्याच आमदारांना वेळ देत नाही, अशी सातत्याने शिवसेनेतील आमदार तक्रार करत होते. या तक्रारीचे नाराजीत रुपांतर होऊन मंगळवारी एकनाथ शिंदे यांच्या सोबत जवळपास ३५ जण सुरत आणि नंतर गुवाहाटीला गेल्याने राज्यात राजकीय भूकंप आला. आम्ही बाळासाहेबांचे शिवसैनिक आहोत. आम्ही हिंदूत्ववादी आहोत असे म्हणत एकनाथ शिंदे यांनी बंडखोर आमदारांसोब वेगळा गट स्थापन केला. मात्र, या सर्वांना आज उद्धव ठाकरे यांनी भावनिक साद घालत परत येण्याचे आव्हान केले. दरम्यान, आपण का भेटू शकलो नाही याचे स्पष्टीकरणही मुख्यमंत्री ठाकरे यांनी दिले.(CM gave clarification Why not to meet MLA)

राज्यात निर्माण झालेल्या अस्थिर परिस्थीतीवर मुख्यमंत्री उद्धव ठाकरे यांनी फेसबुक लाईव्ह करत आपली बाजू स्पष्ट केली. उद्धव ठाकरे म्हणाले, मी कोरोना पॉझिटीव्ह आहे. त्यामुळे माझा आवाज बदललेला आहे. कोरोना काळात केलेल्या चांगल्या कामगिरीमुळे देशातील पाच मुख्यमंत्र्यांमध्ये गणना केली गेली. मुख्यमंत्री भेटत नाही अशी तक्रार या काळात सातत्याने केली गेली. ही तक्रार खरी होती. मी मध्यंतरी अनेकांना भेटत नव्हतो. त्याच कारणही तसेच होते. माझी शस्त्रक्रिया झाली होती. ही शस्त्रक्रीया झाली तेव्हा जो त्रास मी अनुभवला ते मलाच माहिती आहे.

डॉक्टरांनी विश्रांतीचा सल्ला दिल्याने मी भेटू शकत नव्हतो. पण, असे असले तरी मी माझे काम सुरूच ठेवले होते. रुग्णालयाच्या बाजूला असलेल्या खोलीतून मी माझी पहिली कॅबिनेट मी रुग्णायलाच्या बाजूच्या खोलीत घेतली होती. या काळात मी भेटू शकलो नाही हे खरे असले तरी मी आता प्रत्येकाशी संवाद साधायला सुरुवात केली आहे, असे म्हणत मुख्यमंत्री उद्धव ठाकरे यांनी मुख्यमंत्री भेटत नाही म्हणणा-यांना वस्तूस्तिती सांगितली आहे.