Margaret Alva Profile : विरोधकांकडून उपराष्ट्रपती पदासासाठी मार्गारेट अल्वा; जाणून घेऊयात त्यांचा राजकीय प्रवास

मार्गारेट अल्वा या मुळच्या मंगळूरू येथील आहेत. त्या ८० वर्षांच्या आहेत. त्यांनी गोवा, गुजरात, राजस्थान आणि उत्तराखंडाचे राज्यपाल पद भूषवले आहे. अल्वा यांची राजकीय कारकिर्द मोठी आहे. त्या काँग्रेसच्या खासदार राहिल्या आहेत. तर त्या केंद्रसरकारमध्ये ४ वेळा राज्यमंत्री म्हणूनही राहिल्या आहेत.

१९७४ मध्ये पहिल्यांना अल्वा खासदार झाल्या

काँग्रेसच्या नेत्या म्हणून मार्गारेट अल्वा या १९७४ मध्ये पहिल्यांदा खासदार झाल्या. राज्यसभा आणि लोकसभा मिळूण त्या पाच वेळा खासदार राहिल्या आहेत. १९९९ मध्ये उत्तर कन्नडमधून त्यांनी लोकसभा निवडणूक जिंकली होती. खासदार असतांना त्यांनी महिलांविषयक कायदे बनविण्यासाठी महत्वाची भूमिका बजावली आहे. काँग्रेस सरकारच्या काळात महिलांविषयक विधायक आणि कायदे तयार करण्यासाठी अल्वा यांनी महत्वाचे योगदान राहिले आहे.

उत्तराखंडच्या पहिल्या महिला राज्यपाल म्हणून नेमणूक

युपीए सरकारच्या काळात ६ आॅगस्ट २००९ मध्ये अल्वा या काँग्रेसच्या राज्यपाल बनल्या होत्या. यानंतर त्या गोवा, गुजरात, आणि राज्यस्थानच्या राज्यपाल झाल्या. महिलांविषयक केलेल्या सामाजिक कार्यामुळे त्यांना २०१२ मध्ये मर्सी रवी पुरस्काराने सन्मानित करण्यात आले.

१७ पक्षांनी मिळून बनवले अल्वा यांना उपराष्ट्रपती पदाचे उमेदवार

राष्ट्रवादी काँग्रेस पक्षाचे अध्यक्ष शरद पवार त्यांच्या उमेदवारी संदर्भात म्हणाले, आम्ही सामूहिकरीत्या अल्वा यांचे नाव घोषित केले आहे. अल्वा या मंगळवारी उपराष्ट्रपती पदासाठी नामनिर्देशपत्र दाखल करणार आहेत. त्यांना १७ विरोधी पक्षांचा पाठींबा आहे. या सोबतच तृणमूल काँग्रेस आणि आम आदमी पार्टीनेही अल्वा यांना पाठींबा दिल्याने त्यांना १९ पक्षांचा पाठींबा मिळाला आहे. या सर्वांच्या वतीने त्या या निवडणूक लढवणार आहेत.