बॅलेट पेपरने मतदान घ्या, पराभूत होताच संजय राऊत यांची मागणी! सोशल मीडियावर मीम्सचा पूर

संजय राऊत यांनी सोशल मीडिया प्लॅटफॉर्म एक्सवर केलेल्या पोस्टमध्ये म्हटले आहे की, ‘बॅलेट पेपरवर पुन्हा निवडणूक घेण्यात यावी. महाराष्ट्राचा निकाल हे जनतेचे मत नाही. नाही! नाही! नाही! तीन वेळा नाही. अशा निकालांचा विचार करता येत नाही.’ तत्पूर्वी माध्यमांशी बोलताना संजय राऊत यांनी महायुतीवर गंभीर आरोप केले होते. 

कोणाच्या भरवशावर त्यांनी हे वक्तव्य केले?

शिवसेना नेते संजय राऊत म्हणाले होते की, 'निवडणुकीपूर्वी एकनाथ शिंदे म्हणाले होते की, माझा एकही आमदार पराभूत होणार नाही. शेवटी कोणाच्या भरवशावर त्यांनी हे वक्तव्य केले?', असा सवाल करत शिंदे यांचे सर्व आमदार कसे जिंकत आहेत आणि हा विश्वासघात कसा पचवला जात आहे, हे समजत नाही, असे म्हटले आहे.

सोशल मीडियावर मीम्सचा पूर

दरम्यान, संजय राऊत यांच्या वक्तव्यानंतर सोशल मीडियावर ते ट्रेंड करत आहेत. लोक संजय राऊत यांना गंमतीने टोमणे मारत आहेत. त्यांच्याबद्दल सोशल मीडियावर उलटसुलट चर्चा सुरू झाली आहे. एका युजरने निकालावर संजय राऊत यांच्या वक्तव्याची खिल्ली उडवत म्हटले की, "संजय राऊत निराश झाले आहेत. महाराष्ट्राच्या पराभवाला अदानी जबाबदार आहेत. राहुल गांधींसोबत राहण्याचा परिणाम.'

Amit Thackeray : माहीममधून अमित ठाकरे यांचा पराभव; सदा सरवणकर यांना मात देत महेश सावंत यांनी मारली बाजी!

आणखी एका युजरने 'महापुरुष संजय राऊत यांना भेटा', असा टोला लगावत, त्यांनी एकहाती महाराष्ट्रातील संपूर्ण शिवसेना आणि महाविकास आघाडी उद्ध्वस्त केली आहे', असे म्हटले आहे.

आणखी एका पोस्टमध्ये उद्धव ठाकरे आणि संजय राऊत यांच्याबद्दल एक अतिशय मनोरंजक मीम पाहायला मिळाला.