Viral news : बाप रे..! ऑनलाइन गेमच्या नादात तरुणावर झाला ९६ लाखांच्या कर्जाचा डोंगर, नातेवाईकही दुरावले
Viral news : तुम्ही ऑनलाइन गेमच्या अनेक जाहिराती पहिल्या असतील. यात तुम्हाला ऑनलाइन गेम खेळून पैसे कमवण्याचे आमिष दाखवलं जातं. हे गेम खेळण्यास सुरुवात केल्यावर याचं व्यसन जडतं. व यामुळे अनेकांचे संसार उद्ध्वस्त होतात. अशीच एक घटना सोशल मिडियावर व्हायरल होत आहे.
Viral news : केवळ काही रुपयात करोडपती व्हा! कमी वेळेत गेम खेळून हजारो - लाखो रुपये कमवा इतकेच नव्हे तर देशभरातील अनेक लोक कसे ऑनलाईन गेमिंग मधून भरपूर पैसे कमावत आहेत, हे सांगणाऱ्या जाहिरातींनी सोशल मीडियावर थैमान घातले आहे. अनेक तरुण, ज्येष्ठ नागरिक या जाहिरातींना बळी पडत आहेत. एका तरुणाने या गेमच्या नादात स्वत:वर तब्बल ९६ लाखांच्या कर्जाचं डोंगर करून बसला असून यामुळे त्यांचा संसार उद्ध्वस्त झाला आहे. व नातेवाईक देखील दुरावले आहे. या तरुणाची कथा सोशल मिडियावर व्हायरल झाली असून अनेकांनी त्यावर प्रतिक्रिया दिल्या आहेत.
न्यूज 18' या वृत्त वाहिनीच्या एका शोमध्ये हिमांशू मिश्रा नावाच्या तरुणाशी नुकताच संवाद साधण्यात आला होता. या शो मध्ये हिमांशू'ने ऑनलाईन गेमिंगचे व्यसन, त्यातील तोटे, कर्जबाजारीपणा आणि त्यामुळे दुरावले गेलेले नातेवाईक या सगळ्यांबाबत आपली कैफियत मांडली आहे.
हिमांशूला या ऑनलाइन गेम्सचे इतके व्यसन लागले की त्याच्यावर ९६ लाखांचे कर्ज झाले. यामुळे त्याची आई आणि भावाने त्याच्याशी बोलणे बंद केले.
टीव्ही शोमध्ये मांडली व्यथा
'न्यूज 18'च्या शोमध्ये आलेल्या हिमांशू मिश्राने जेव्हा आपली कहाणी मांडली तेव्हा लोक भावूक झाले. अनेक यूजर्सनी 'X' वर हिमांशूचा व्हिडिओ देखील शेअर केला आहे, जो पाहून लोक भावूक होत आहेत. या व्हिडिओमध्ये हिमांशूने सांगितले की त्याची आई शिक्षिका आहे आणि 96 लाख रुपयांच्या कर्जामुळे ती तिच्याशी बोलतही नाही. तरुणाने रडत रडत सांगितले की, कुटुंबातील एकही सदस्य त्याच्याशी बोलत नाही. रस्त्याचे थोडे पैसे मिळाले तरी ते कुटुंबीय भेटायला येणार नाहीत, असे तरुण म्हणाला.
एवढं कर्ज कुठून घेतलं असं विचारलं असता त्याने लोकांकडून पैसे घेऊन फसवणूक केल्याचे सांगितले. आपली कहाणी सांगताना तो तरुण रडतच राहिला. हिमांशूने दावा केला की तो जेईई मेनसाठी पात्र आहे, परंतु जुगारात बीटेक फी गमावली. तरुणाने रडत रडत सांगितले की, माझा भाऊ खूप चांगला आहे, पण तोही माझ्याशी बोलत नाही. मला माझ्या भाचीशी बोलायचे आहे, परंतु खेळामुळे सर्व काही उद्ध्वस्त झाले.
व्हिडिओमध्ये तरुणाने पुढे सांगितले की, यूपीमध्ये एक पोलिस आहे, त्याने मला गेम खेळण्यासाठी बोलावले, परंतु त्याचे पैसे गमावले. त्यांनी मला सात दिवस पोलिस ठाण्यात ठेवले. हा व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ पाहून एका युजरने म्हटले की, व्हिडिओ पाहिल्यानंतर तुम्ही हादरून जाल. त्याच वेळी, बहुतेक वापरकर्त्यांनी अशा ऑनलाइन गेमवर बंदी घालण्याची मागणी केली.
