Vasai Fire : वसईत प्लास्टिक कंपनीला भीषण आग; सर्व सामान जळून खाक

आगीची सुचना मिळताच वसई विरार महापालिकेच्या अग्निशमन दलाच्या गाड्या घटनास्थळी दाखल झाल्या असून आगीवर नियंत्रण मिळवण्याचे काम सुरू आहे. घटनास्थळावरून मिळाल्या माहितीनुसार या आगीत कोणत्याही प्रकारची जीवितहानी झालेली नाही. मात्र कंपनीचे मोठे नुकसान झाले आहे. कंपनीत आग लागली त्यावेळी आतमध्ये कोणीही कामगार अडकले नसल्याचे सांगितले जात आहे. अग्निशमन जवानांनी कंपनीच्या आतमध्ये पाहणी केल्यावर कोणीही आढळले नाही. 

मुंबईत काळाचौकी परिसरातील महापालिका शाळेत सिलिंडरचे भीषण स्फोट

 मुंबईतील काळाचौकी मिंट कॉलनी परिसरात असलेल्या साईबाबा पथ संकुल शाळेमध्ये सिलेंडरचा भीषण स्फोट झाला आहे. तब्बल ६ सिलेंडरचा स्फोट झाल्याची माहिती आहे. या स्फोटांमुळे भीषण आग लागली आहे. आगीचे लोळ दुरुवरून दिसत आहेत. या घटनेची माहिती मिळताच घटनास्थळी अग्निशामक दलाचे ४ बंब पोहचले असून आगीवर नियंत्रण मिळवण्यात आले आहे. दरम्यान हे स्फोट कसे झाले याची माहिती अद्याप समजू शकली नाही. दरम्यान,  शाळेला सुट्टी संक्रांतीनिमित्त सुट्टी असल्याने मोठी दुर्घटना टळली.

या शाळेत लग्नकार्याचा हॉल आहे. या ठिकाणी कैटरींगचा देखील व्यवसाय चालतो. या ठिकाणी जेवण तयार करण्याचे काम सुरू होते. या साठी येथे सिलेंडर देखील ठेवण्यात आले होते. दरम्यान, याच सिलेंडरचा स्फोट झाला असावा अशी प्राथमिक माहिती आहे.