नागपूर-सिकंदराबाद वंदे भारत एक्सप्रेस २ दिवस रद्द! रेल्वे प्रशासनाने १५ दिवसातच का घेतला निर्णय?

नागपूर ते सिकंदराबाद आणि सिकंदराबाद-नागपूर वंदे भारत एक्सप्रेस प्रत्येकी दोन दिवस रद्द करण्याचा निर्णय रेल्वेने घेतला आहे. नागपूर- सिकंदराबाद वंदे भारत एक्सप्रेस २ आणि ३ ऑक्टोबरला तर सिकंदराबाद- नागपूर वंदे भारत एक्सप्रेस ५ आणि ६ ऑक्टोबरला धावणार नाही. १६ सप्टेबरला पंतप्रधान मोदींच्या हस्ते सुरू करण्यात आलेल्या गाडीला १५ दिवसातच काही दिवस रद्द करण्याची वेळ आली आहे.

Vande Bharat: महाराष्ट्रातील ‘या’ मार्गावरील वंदे भारत ट्रेन प्रवाशांच्या अभावी लवकरच होणार बंद?

दक्षिण मध्य रेल्वे विभागाच्या काझीपेठ – बल्लारशाह दरम्यान रेल्वेमार्गावरील हसनपर्थी स्थानकावर इलेक्ट्रॉनिक नॉन इंटरलॉकिंगच्या कामासाठी ब्लॉक घेण्यात आला आहे. त्यामुळे दोन दिवस नागपूरहून निघणारी आणि दोन दिवस सिकंदराबाद निघणारी वंदे भारत एक्सप्रेस रद्द करण्यात येत आहे.

युनोमध्ये ८ वर्षे नोकरी, निवडणूक रणनीतीकार आणि आता स्वत:चा पक्ष… कोण आहेत प्रशांत किशोर?

१६ सप्टेंबर रोजी मोदींनी देशभरात जवळपास अर्धा डझन वंदे भारत रेल्वे गाड्यांचे लोकार्पण केले होते. त्यात भारतात दुसरीच २० डब्यांची नारंगी रंगाची वंदे भारत एक्सप्रेस नागपूर-सिकंदराबाद-नागपूर या मार्गावर सुरू केली होती. नागपूर ते सिकंदराबादचे अंतर कापण्यासाठी वंदे भारत ट्रेनला केवळ ७ तास १५ मिनिटांचा कालावाधी लागत असल्याने प्रवाशांच्या वेळेची बचत होत आहे. ही गाडी नागपूरहून पहाटे ५ ला निघते आणि दुपारी सव्वा बारा वाजता सिकंदराबादला पोहोचते. १३० किलोमीटर प्रतितास वेगाने धावणारी ही गाडी नागपूरहून निघाल्यानंतर सेवाग्राम, चंद्रपूर, बल्लारशाह, रामागुंडम आणि काझीपेठ स्थानकांवर थांबते. त्याचदिवशी वंदे भारत एक्सप्रेस सिकंदराबादहून दुपारी १ वाजता निघते आणि नागपूरला रात्री ८.२० वाजता पोहोचते. सध्या नागपूरहून नागपूर -सिकंदराबाद, नागपूर- बिलासपूर आणि नागपूर इंदूर या मार्गावर वंदे भारत एक्सप्रेस सुरू आहे. लवकरच नागपूर-पुणे मार्गावर वंदे भारत एक्सप्रेस धावण्याची शक्यता आहे.