Loksabha Elections 2024 : मनोज जरांगे जालन्यातून लोकसभा लढणार? मविआच्या बैठकीत 'या' पक्षाने केली मागणी

या बैठकीत वंचित बहुजन आघाडीने त्यांनी तयारी केलेल्या २७ लोकसभा मतदारसंघाची यादी दिली. अकोला, अमरावती, नागपूर, भंडारा-गोंदिया, चंद्रपूर, हिंगोली, उस्मानबाद, औरंगाबाद, बीड, सोलापूर, सांगली, माढा, रावेर, दिंडोरी, शिर्डी, मुंबई दक्षिण मध्य, मुंबई उत्तर मध्य, मुंबई उत्तर पूर्व, रामटेक, सातारा, नाशिक, मावळ, धुळे, नांदेड, बुलढाणा, वर्धा या जागांचा प्रस्ताव वंचितने दिला आहे.

 पंतप्रधान मोदींचे यवतमाळमधून शरद पवारांवर शरसंधान! म्हणाले कृषीमंत्री असताना शेतकऱ्यांना..

वंचितच्या प्रमुख ४ मागण्या –

• मनोज जरांगे यांना जालन्यातून आणि डॉ. अभिजीत वैद्य यांना पुण्यातून उमेदवारी द्यावी.
• महाविकास आघाडीच्या उमेदवारांच्या उमेदवार यादीत किमान १५ उमेदवार ओबीसी असावेत
• महाविकासआघाडीतील प्रत्येक घटक पक्षाने तसंच निवडून आलेल्या उमेदवाराने निवडणुकीनंतर भाजपमध्ये सामील होणार नाही,असं लेखी वचन द्यावं
• महाविकास आघाडीच्या उमेदवारांच्या यादीत किमान ३ अल्पसंख्याक उमेदवार असावेत.

लोकसभा लढवण्याबाबत जरांगेंची प्रतिक्रिया –

प्रकाश आंबेडकर यांनी जालन्यातून जरांगे यांना उमेदवारी देण्याची मागणी महाविकास आघाडीच्या बैठकीत केली आहे. यावर जरांगे यांनी प्रतिक्रिया दिली आहे. ते म्हणाले प्रकाश आंबेडकर खरा माणूस आहे, त्यांनी मत मांडले यावर मी आताच बोललं पाहिजे असं नाही. माझा मालक माझा समाज आहे. आमचा अजेंडा राजकारण नाही.  प्रकाश आंबेडकर आधीपासून आमच्यासोबत आहेत, त्यांनी आम्हाला पाठिंबा दिला होता,ते खरे माणूस आहेत, त्यांची मराठा समाजात क्रेझ आहे, ते ग्रेट आहेत, पण सध्या आमचा फोकस फक्त आरक्षणावर आहे, असं म्हणत जरांगे पाटील यांनी लोकसभा निवडणूक लढवण्याच्या प्रस्तावाला नकार दिला आहे.