‘त्याला वाल्मिक कशाला म्हणता, तो २० खून करणारा वाल्या’; जितेंद्र आव्हाडांचा संताप, धनंजय मुंडेंच्या राजीनाम्याची मागणी

 आव्हाड म्हणाले की, बीडमध्ये सर्व जातीच्या लोकांनी प्रतिनिधित्व केलं मात्र कधी जात शिवली नाही. हा शिवराज बांगर याला कोण कोण ओळखता. याचं घरचं हायकोर्ट झालं आहे. बापू आंधळेचा खून कोणी केला. पोलीस प्रशासन व इथल्या पालकमंत्र्यांनी बीड जिल्ह्याचा सत्यानाश  केला. 

हे ही वाचा :Santosh Deshmukh : संतोष देशमुख प्रकरणात छत्रपती संभाजीराजेंनी घेतलं थेट धनंजय मुंडे यांचं नाव, म्हणाले…

जर अशोक सोनवणे यांची ॲट्रॉसिटीची तक्रार त्याच दिवशी दाखल झाली असती तर संतोष मेला नसता. आंधळे खून प्रकरणाचा तपास करणारा महाजनच याही केसमध्ये आहे. जर तुम्ही इथला एकही अधिकारी धनंजय मुंडे यांना विचारता न आणणार नसाल तर कसं होईल. संतोष मेल्यानंतर तुम्ही जागे झालात, अगोदर का नाही? असा सवालही आव्हाड यांनी केला.

हे ही वाचा :  कोणालाही पाळू नका, नाहीतर तोंडघशी पडाल! मनोज जरांगे यांचा देवेंद्र फडणवीसांना इशारा

वाल्मिक कराड हा नरभक्षक वाघ कसा असतो, तसा नरभक्षक वाल्मिकी आहे. त्याच्या जिभेला रक्त लागलं आहे. खरं तर वाल्मिकी कोणीही म्हणू नका, तो वाल्या आहे. बीडमध्ये अर्ध्याहून अधिक खून वंजाऱ्यांचेच झाले आहेत. आणि ते यांनीच केले आहेत. या वाल्याला कधी पकडणार हे पोलिसांनी सांगायला हवं. आत्तापर्यंत  वंजारा समाजातील लोकांचे २० खून झाले आहेत. यामुळे आमची जात बदनाम होते आहे.  धनंजय मुंडे यांना मंत्रिमंडळातून काढा, अशी पहिली मागणी मी केली होती, असे म्हणत जितेंद्र आव्हाड यांनी पुन्हा एकदा धनंजय मुंडे यांच्यावर हल्लाबोल केला.