राजस्थानमध्ये कर्तव्य बजावताना साताऱ्यातील वडूजचे जवान चंद्रकांत काळे शहीद, गावावर शोककळा
मराठी बातम्या  /  महाराष्ट्र  /  राजस्थानमध्ये कर्तव्य बजावताना साताऱ्यातील वडूजचे जवान चंद्रकांत काळे शहीद, गावावर शोककळा

राजस्थानमध्ये कर्तव्य बजावताना साताऱ्यातील वडूजचे जवान चंद्रकांत काळे शहीद, गावावर शोककळा

Jan 31, 2025 02:36 PM IST

Soldier Chandrakant Kale Martyred : भारतीय लष्कराचे जवान चंद्रकांत महादेव काळे (वय ४०) हे कर्तव्यावर असताना बुधवारी शहीद झाले. त्यांच्या पश्चात आई, वडील, पत्नी, एक मुलगा, एक मुलगी, दोन बहिणी, एक भाऊ असा परिवार आहे.

वडूजचे जवान चंद्रकांत काळे शहीद, संपूर्ण गाव शोकसागरात
वडूजचे जवान चंद्रकांत काळे शहीद, संपूर्ण गाव शोकसागरात

भारतीय लष्कराच्या सेवेत असलेले साताऱ्याच्या खटाव तालुक्यातील वडूज येथील जवान चंद्रकांत महादेव काळे (वय ४०) हे कर्तव्यावर असताना बुधवारी शहीद झाले. शहीद काळे हे राजस्थान येथे कार्यरत होते. येथेच युद्ध अभ्यासाचा सराव घेत असताना त्यांना वीरमरण आले.

शहीद जवान चंद्रकांत महादेव काळे हे भारतीय लष्करात १८ मीडियम रेजिमेंटमध्ये अटलरी डिपार्टमेंटमध्ये नाईक सुभेदार पदावर कार्यरत होते. काळे हे १८ मिडियम मराठा तोफखाना रेजिमेंटच्या राजस्थान येथील महाजन फायरींग रेंजमध्ये युध्द अभ्यासाचा सराव घेत होते, त्या वेळी दुर्घटना घडली आणि त्यांना वीरगती प्राप्त झाली.

२३ वर्षे लष्करात सेवा

शहीद जवान चंद्रकांत महादेव काळे यांनी १५ वर्षे लष्करात सेवा बजावली होती. यानंतर त्यांना वाढीव सेवा देण्यात आली होती. काळे यांना एकूण २३ वर्षे लष्करात सेवा बजावण्याची संधी मिळाली.

काळे हे शहीद झाल्याचे भारतीय लष्कराकडून गुरुवारी सकाळी त्यांच्या कुटुंबियांना कळवण्यात आले. त्यानंतर अवघ्या शहरावर शोककळा पसरली. जवान काळे यांच्या पश्चात आई, वडील, पत्नी, एक मुलगा, एक मुलगी, दोन बहिणी, एक भाऊ असा परिवार आहे. जवान काळे यांचे पार्थिव शुक्रवारी सायंकाळपर्यंत वडूज गावात पोहोचेल, असे ग्रामस्थांकडून सांगण्यात आले आहे.

Whats_app_banner

संबंधित बातम्या

विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर