भाजपचे पीक वाढले आहे, मात्र कीडही लागली आहे, फवारणी करावी लागेल; नितीन गडकरी यांच मोठं विधान

 'मुंबई तक'शी बोलताना नितीन गडकरी यांनी रोगग्रस्त पिकांचे उदाहरण देत कीटकनाशक ांची फवारणी करण्यावर पक्षाने भर द्यावा, असे सांगितले. गडकरी म्हणाले, पिके वाढली की रोगराईही वाढते. भाजपचे पीक खूप मोठे झाले आहे, त्यात चांगल्या धान्याबरोबरच काही रोगट धान्य देखील वाढलं आहे. त्यामुळे अशा आजारी पिकांवर कीटकनाशकांची फवारणी करणे गरजेचे आहे.  नवनवे लोक पक्षात येतात, त्यांना विचारधारेचं प्रशिक्षण देणं आणि घडवणं ही आमची जबाबदारी आहे. पण एखादा कार्यकर्ता असं विधान करतो की इतर हजार कार्यकर्त्यांच्या कामावर पाणी फेरलं जातं. कार्यकर्ते घडवायला हवेत आणि त्यांच्यावर संस्कार करायला हवेत असंही गडकरी म्हणाले.  भाजपच्या वाढत्या सदस्यसंख्येबरोबरच राजकीय नेत्यांच्या पक्षप्रवेशाच्या प्रक्रियेवरही लक्ष ठेवावे लागणार आहे.    

संभाजीनगर येथील फुलंब्रीत प्लास्टिक साहित्य विक्रीच्या दुकानाला भीषण आग! तिघांचा जळून मृत्यू, दोघे जखमी

विधानसभा निवडणुकीच्या पार्श्वभूमीवर नितीन गडकरी यांनी हे वक्तव्य केलं आहे. महायुतीअंतर्गत शिवसेना (एकनाथ शिंदे गट) आणि अजित पवार यांचा राष्ट्रवादी काँग्रेस (राष्ट्रवादी) यांच्यासोबत भाजप निवडणुकीच्या रिंगणात आहे.

गडकरी यांनी भारतीय राज्यघटनेतील धर्मनिरपेक्षतेची तत्त्वे अधोरेखित करत सरकार आणि प्रशासन धर्मनिरपेक्ष असण आवश्यक असल्याच म्हटलं आहे. एक व्यक्ती कधीही सेक्युलर होऊ शकत नाही, पण राज्य, सरकार आणि प्रशासन धर्मनिरपेक्ष असायला हवे.

बाबा सिद्दिकींचा हत्येचा प्लॅन फेल झाला असता रेडी होता बिष्णोई गँगचा 'प्लान बी'; टार्गेटवर होता पुण्याचा बडा नेता!

महाराष्ट्रातील भाजपची कामगिरी आणि २०२४ च्या लोकसभा निवडणुकीत घटलेल्या जागांच्या संख्येवर नितीन गडकरी यांनी राज्यातील स्थानिक नेतृत्वाच्या क्षमतेवर विश्वास व्यक्त केला. राज्यात कोणतेही औपचारिक पद नसले तरी गरज पडल्यास मदतीसाठी उपलब्ध असल्याचेही त्यांनी सांगितले. महाराष्ट्रात माझी कोणतीही औपचारिक भूमिका नाही. इथले नेते सक्षम आहेत. त्यांना सध्या माझी गरज नाही. पण जेव्हा जेव्हा त्यांना माझी गरज पडेल तेव्हा मी मदतीसाठी उपलब्ध राहीन, असेही गडकरी म्हणाले. 

 कोण आहे बलुचिस्तान लिबरेशन आर्मी ? ज्यांच्यामुळे पाकिस्तानच्या लष्करासह चीनही दहशतीत, काय आहे त्यांची मागणी, वाचा!