उद्धव ठाकरेंना मोठा धक्का, उमेदवारी जाहीर केलेल्या शिलेदाराची अचानक माघार, तत्काळ घोषित केला दुसरा उमेदवार

उद्धव ठाकरे गटाने औरंगाबाद मध्य विधानसभा मतदारसंघातून किशनचंद तनवाणी यांना उमेदवारी दिली होती. त्यांना एबी फॉर्मही दिले होते. मात्र उमेदवारी अर्ज दाखल करण्यासाठी एक दिवस बाकी असतानाच किशनचंद तनवाणी यांनी निवडणूक न लढण्याचे जाहीर केले. त्यांनी पक्षाचा एबी फ़ॉर्म परत केला आहे. तनवाणी यांच्या अचानक माघारीने उद्धव सेनेला मोठा धक्का बसला आहे. दरम्यान, या मतदारसंघासाठी उद्धवसेनेने बाळासाहेब थोरात यांना उमेदवारी जाहीर केली आहे. शिवसेना नेते अंबादास दानवे यांनी तातडीची पत्रकार परिषद घेऊन थोरात यांची उमेदवारी जाहीर केली. तसेच ऐनवेळी निवडणुकीतून माघार घेतलेल्या किशनचंद तनवाणी यांना पक्षाच्या सर्व पदातून मुक्त करत असल्याचे यावेळी दानवे यांनी जाहीर केले.

माझी बायको हिरोईन नसल्यामुळं मला तिकीट मिळालं नसावं; शरद पवारांच्या राष्ट्रवादीतील इच्छुकाची बोचरी प्रतिक्रिया

उमेदवारी नाकारण्याचं कारण काय?
औरंगाबाद मध्य विधानसभा मतदारसंघात शिंदे सेनेकडून प्रदीप जैस्वाल निवडणूक लढवत आहेत. तर किशनचंद तनवाणी यांना ठाकरे गटाची उमेदवारी जाहीर झाली होती. जैस्वाल व तनवाणी दोघेही कट्टर शिवसैनिक आणि बालपणापासूनचे मित्र आहेत. दोन मित्रांमधील लढतीकडे सर्वांचे लक्ष लागले होते. २०१४ च्या विधानसभा निवडणुकीतही दोघे एकमेकांच्या विरोधात लढले होते. यावेळी दोघांमध्ये मत विभागणी होऊन एमआयएमचे इम्तियाज जलील विजयी झाले होते.

त्यानंतर सन २०१९ मध्ये जैस्वाल यांनी तनवाणी यांना शब्द दिला होता की, २०२४ च्या निवडणुकीत पाठिंबा देतील. मात्र, आता ते पाठिंबा देण्यास तयार नसल्याचे तनवाणी यांनी सांगितले. तसेच आताची परिस्थिती २०१४ सारखीच असून मतविभाजनाचा फायदा एमआयएमला होऊ शकतो, यामुळे निवडणुकीतून माघार घेत असल्याची घोषणा तनवाणी यांनी केली. मात्र यामुळे उद्धव ठाकरेंना मोठा धक्का बसला आहे.

 शरद पवारांच्या राष्ट्रवादीची ७ उमेदवारांची चौथी यादी जाहीर, दौंडमध्ये कुणाला संधी?

२०१९ च्या निवडणुकीत प्रदीप जैस्वाल हे निवडणुकीच्या मैदानात होते. तर किशनचंद तनवाणी यांनी माघार घेतली होती. त्यामुळे प्रदीप जयस्वाल यांनी ही निवडून जिंकली होती. त्यावेळी त्यांनी तनवाणी यांना २०२४ मध्ये पाठिंबा देण्याचे व आपण न लढण्याचे आश्वासन दिले होते. मात्र आता त्यांनी शब्द फिरवला आहे.