माझ्या आजारपणाचं हसू करणाऱ्यांची साथ का देऊ? राज ठाकरेंबद्दल विचारताच भडकले उद्धव ठाकरे
Uddhav Thackeray on Raj Thackeray : राज ठाकरे यांचे चिरंजीव अमित ठाकरे हे माहीम विधानसभा मतदारसंघातून निवडणूक लढवत आहेत. शिवसेना उद्धव ठाकरे पक्षाने देखील अमित ठाकरे विरोधात उमेदवार उभा केला आहे. अमित ठाकरे यांच्यासाठी उद्धव ठाकरे उमेदवार मागे घेतीलअशी चर्चा होती, पण तसे झाले नाही.
Uddhav Thackeray on Raj Thackeray : राज ठाकरे यांचे चिरंजीव अमित ठाकरे हे माहीम विधानसभा मतदारसंघातून निवडणूक लढवत आहेत. शिवसेना उद्धव ठाकरे गटाने त्यांच्याविरोधात या मतदारसंघात उमेदवार उभा केला आहे. अमित ठाकरे विरोधात दिलेल्या उमेदवार उद्धव ठाकरे मागे घेतली अशी चर्चा होती, पण तसे झाले नाही. याबाबत उद्धव ठाकरे यांना विचारले असता त्यांनी तीव्र प्रतिक्रिया दिली. उद्धव ठाकरे म्हणाले की, माझे रक्ताचे नाते महाराष्ट्रातील जनतेशी आहे. राज ठाकरेंवर हल्ला चढवत उद्धव ठाकरे म्हणाले, दरोडेखोरांशी माझा काय संबंध आहे? अशा लोकांना पाठिंबा देण्याचा मी स्वप्नातही विचारकरू शकत नाही, असे ठाकरे म्हणाले.
उद्धव ठाकरे म्हणाले, 'माझं महाराष्ट्राशी रक्ताचं नातं आहे. महाराष्ट्र हे माझं कुटुंब आहे, ज्या कुटुंबाची जबाबदारी मी कोरोना काळात घेतली, त्या कुटुंबाची लूट केली जात आहे. 'राज ठाकरे यांनी देवेंद्र फडणवीसच मुख्यमंत्री होतील, अशी घोषणा केली आहे. त्यामुळे महाराष्ट्राची लूट मोठ्या प्रमाणात होणार आहे. डबल ट्रिपल इंजिन हे महाराष्ट्राचे लुटारू आहेत, त्यांना पाठिंबा देणारे देखील लुटारू आहे, असा टोला उद्धव ठाकरे यांनी लगावला.
राज ठाकरेंबद्दल बोलताना उद्धव म्हणाले की, त्यांनी माझ्या आजारपणाचीही खिल्ली उडवली. देव न करो ज्या गोष्टी मी अनुभवल्या तो क्षण त्यांना अनुभवावा लागेल. ज्यांनी माझी खिल्ली उडवली त्यांना मी मदत का करू का? असा सवाल देखील उद्धव ठाकरे यांनी केला.
ठाकरे म्हणाले, "या लोकांनी माझी खिल्ली उडवली. ज्यांनी माझा पक्ष मोडला त्यांना राज ठाकरे यांनी मदत केली. त्यावेळी राज ठाकरे माझ्याकडे आले नाहीत, मला वैयक्तिक बाबींमध्ये पडायचे नाही. छत्रपती शिवाजी महाराजांची शपथ घेत महाराष्ट्राला लुटणाऱ्यांना मदत करणाऱ्यांना मी मदत करणार नाही असे उद्धव ठाकरे म्हणाले.
माहीम विधानसभा मतदारसंघातील ठाकरे गटाचे उमेदवार महेश सावंत यांच्यासाठी उद्धव आणि आदित्य यांची प्रचार सभा निश्चित नसल्याचे समोर आले आहे. त्यामुळे उद्धव ठाकरे प्रसिद्धी न करता अप्रत्यक्षपणे मदत करत असल्याची चर्चा राजकीय वर्तुळात रंगली होती. पण आता उद्धव ठाकरे यांनी आपली भूमिका स्पष्ट केली आहे.
