Raj-Uddhav Meet : २ महिन्यात तिसऱ्यांदा भेटले राज अन् उद्धव; भावांमध्ये गप्पा, वहिनी रश्मी ठाकरे मनमोकळ्या हसल्या

आगामी महापालिका निवडणुका, विशेषत: आर्थिकदृष्ट्या संपन्न बृहन्मुंबई महापालिका निवडणुका लक्षात घेता मनसे आणि शिवसेना यांच्यातील मतभेद दूर होण्याची शक्यता राजकीय विश्लेषकांनी व्यक्त केली आहे. मात्र, महापालिका निवडणुकीच्या तारखा अद्याप जाहीर करण्यात आलेल्या नाहीत.

ठाकरे बंधूंची २ महिन्यात तिसऱ्यांदा भेट -

गेल्या दोन महिन्यांत तिसऱ्यांदा या भावांची जाहीर भेट झाल्याने दोन्ही पक्षांमधील संबंध सुधारण्याची चर्चा सुरू झाली आहे. राज ठाकरे यांनी नोव्हेंबर २००५ मध्ये (तत्कालीन एकसंध) शिवसेना सोडली आणि पुढच्याच वर्षी मुंबईत महाराष्ट्र नवनिर्माण सेना (मनसे) हा स्वतःचा पक्ष स्थापन केला. गेल्या वर्षी झालेल्या विधानसभा निवडणुकीत विरोधी महाविकास आघाडीत सहभागी असलेल्या शिवसेनेला २० जागा मिळाल्या होत्या, तर मनसेला एकही जागा मिळाली नव्हती. इतकेच नाही तर राज ठाकरे यांचा पूत्र अमित ठाकरे यांनाही पराभवाचा सामना करावा लागला.

शिवसेना-भाजपात वाढती दरी..! एकनाथ शिंदेंचा गड असलेल्या ठाण्यात भाजप मंत्र्याने भरवला जनता दरबार, म्हटले राजकारणात..

उद्धव व ठाकरे यांच्यातील  भेट यासाठी महत्त्वाची आहे, कारण गेल्या दोन दशकांपासून दोन्ही भाऊ एकमेकांवर जोरदार टीका करत आहेत आणि एकमेकांवर राजकीय हल्ला करण्यात कोणीही कोणतीही कसर सोडलेली नाही, परंतु नुकतेच दोन्ही भावांच्या भेटीचे फोटो समोर आले आहेत, ज्यात दोघेही मोकळेपणाने बोलताना आणि हसताना दिसत आहेत.

यापूर्वी १५ डिसेंबर २०२४ रोजी मुंबईतील ताज लँड्स एंड येथे रश्मी ठाकरे यांचे बंधू श्रीधर पाटणकर यांचा मुलगा शौनक पाटणकर यांच्या लग्नात ठाकरे बंधू दिसले होते. त्यानंतर २२ डिसेंबर २०२४ रोजी दादरच्या राजे शिवाजी शाळेत राज ठाकरे यांची बहीण जयवंती ठाकरे-देशपांडे यांच्या मुलाच्या लग्नाला आणि आता २३ फेब्रुवारी २०२५ रोजी अंधेरी येथील महेंद्र कल्याणकर यांच्या मुलाच्या लग्नात राज आणि उद्धव ठाकरे यांनी अनौपचारिक गप्पा तर केल्याच पण हसत-खेळत विनोदही केला. ठाकरे बंधूंच्या दोन महिन्यांत तिसऱ्यांदा झालेल्या भेटीमुळे दोन्ही पक्षांमधील दोन दशकांपासूनचे शत्रुत्व आणि कलह संपुष्टात येण्याची चर्चा रंगली आहे.