Pune Wagholi news : पोहायला गेले अन् घात झाला! पुण्यातील वाघोली खाणीत २ शाळकरी मुलांचा बुडून मृत्यू

Panshet Dam News : सेल्फी घेताना दोन बहिणी पाण्यात पडल्या! त्यांना वाचवण्यासाठी गेलेल्या भावाचा बुडून मृत्यू

अली अहमद शेख (वय १२), कार्तिक दशरथ दुखरे (वय १२, दोघे रा. शिवरकर वस्ती, वाघोली) अशी मृत्युमुखी पडलेल्या मुलांची नावे आहेत. पोलिसांनी दिलेल्या महितनुसार वाघोलीतील खाणीत पोहण्यासाठी ही मुळे सोमवारी दुपारी गेली होती. यावेळी अली, कार्तिक आणि त्यांचे मित्र पोहायला पाण्यात उतरले. अली आणि कार्तिक यांना पाण्याचा खोलीचा अंदाज आला नाही. त्यामुळे ते दोघेही बुडाले, दरम्यान ही बाब त्यांच्या मित्रांच्या लक्षात आली. त्यांनी आरडाओरडा करण्यास सुरुवात केली. तसेच काहीनी स्थानिक नागरिकांना याची माहिती दिली. पोलिस आणि पुणे महानगर प्रदेश विकास प्राधिकरणाच्या अग्निशमन दलाला ही माहिती कळविण्यात आली.

earthquake in delhi : राजधानी दिल्ली भूकंपाच्या धक्क्याने हादरली; ७.२ रिश्टरस्केलची तीव्रता

अग्निशमन दलाचे अधिकारी विजय महाजन, अल्ताफ पटेल,ओंकार पाटील, विकास पालवे, महेश पाटील, मयूर गोसावी, प्रशांत चव्हाण, उमेश फाळके, सुरज इंगवले, प्रकाश मदने यांनी खाणीतील पाण्यात शोधमोहीम राबविली. काही वेळानंतर जवानांनी दोघांना पाण्यातून बाहेर काढले. त्यांना दवाखान्यात दाखल केले असता, उपचारांपूर्वीच अली आणि कार्तिक यांचा मृत्यू झाल्याचे डॉक्टरांनी जाहीर केले. या घटनेमुळे दोन्ही मुलांच्या कुटुंबीयांना धक्का बसला आहे.

पुण्याच्या पानशेत धरण परिसरात देखील रविवारी फिरण्यासाठी गेलेल्या दोन बहीणींचा सेल्फी घेतांना पाय घसरून पाण्यात पडल्या. यावेळी दोन बहिणींना वाचवण्यासाठी भावाने कोणताही विचार न धरणात तरुणाने उडी मारली. त्याने बहीणींना वाचवले. मात्र, त्याचा बुडून मृत्यू झाला. ज्ञानेश्वर बालाजी मनाळे (वय १८, रा. खराडी) असे धरणात बुडून मृत झालेल्या तरुणाचे नाव आहे.