Titvala: महिला घरातही असुरक्षित! सासरा, दीर आणि मामेभावाकडून विवाहितेवर सामूहिक बलात्कार

मिळालेल्या माहितीनुसार, टिटवाळा परिसरात राहणाऱ्या एका महिलेवर घरात सासरा आणि दिरासह एका अल्पवयीन मामेभावाने सामूहिक बलात्कार केला. घरात कुणी नसताना हा सगळा प्रकार घडला.महिलेने ही बाब कामावरून आलेल्या आपल्या पतीला सांगितली. परंतु, पीडिताच्या पतीने तिचे म्हणणे ऐकून घेण्याऐवजी तिलाच मारहाण केली. या मारहाणीत महिला गंभीर जखमी झाली. यानंतर पीडित महिलेला जवळच्या रुग्णालयात दाखल करण्यात आले. तिच्यावर दोन दिवस उपचार करण्यात आले. अखेर महिलेने तिच्यासोबत घडलेला सर्व प्रकार पोलिसांना सांगितला.

Thane : आई, पप्पा, दादा मी तुमच्या अपेक्षा पूर्ण करू शकलो नाही; यूपीएससीची तयारी करणाऱ्या तरुणाची आत्महत्या

टिटवाळा कल्याण ग्रामीण पोलिसांनी पीडित महिलेचा सासरा, दीर आणि अल्पवयीन मुलाला ताब्यात घेतले आहे. सुनील वाघे (वय-२२, दीर) आणि काशिनाथ वाघे (वय- ५०, सासरा) असे अटक करण्यात आलेल्या आरोपींची नावे आहेत. याप्रकरणी पोलीस अधिक तपास करीत आहेत.

कल्याणमध्ये दोन वर्षांच्या चिमुरडीवर बलात्कार

टिटवाळ्याजवळ दोन वर्षांच्या मुलीचे अपहरण करून तिच्यावर लैंगिक अत्याचार करणाऱ्या ३५ वर्षीय तरुणाला कल्याण ग्रामीण पोलिसांनी अटक केली आहे. आरोपीला शनिवारी कल्याणयेथील पॉक्सो न्यायालयात हजर केले असता न्यायालयाने त्याला सहा दिवसांची पोलिस कोठडी सुनावली. ही घटना शुक्रवारी दुपारी घडली, जेव्हा मुलगी आपल्या भावंडांसह आणि इतर मुलांसह घराबाहेर खेळत होती. त्यावेळी आरोपीने तिला चॉकलेट आणि मिठाईचे आमिष दाखवून तिला निर्जन स्थळी नेले आणि तिच्यावर बलात्कार केला. त्यानंतर आरोपीने पीडिताला तिथेच सोडून पळून गेला. मुलीचा रडण्याचा आवाज ऐकून एका पादचाऱ्याने तिला घरी नेले. परंतु, मुलगी सतत रडत असल्याने पालकांनी तिला उल्हानगर येथील मध्यवर्ती रुग्णालयात दाखल केले. वैद्यकीय तपासणी केली असता डॉक्टरांनी तिच्यावर लैंगिक अत्याचार झाल्याची माहिती दिली. या प्रकरणी शेजारी राहणाऱ्या ३५ वर्षीय तरुणाविरोधात लैंगिक अत्याचारापासून बालकांचे संरक्षण कायद्यांतर्गत अपहरण आणि लैंगिक अत्याचाराचा गुन्हा दाखल करण्यात आला.