राज्यातील वाघांचे आणि बिबट्याचे अस्तित्व धोक्यात! 'या' कारणांमुळे महिन्याभरात २९ वाघांचा व बिबट्यांचा मृत्यू
मराठी बातम्या  /  महाराष्ट्र  /  राज्यातील वाघांचे आणि बिबट्याचे अस्तित्व धोक्यात! 'या' कारणांमुळे महिन्याभरात २९ वाघांचा व बिबट्यांचा मृत्यू

राज्यातील वाघांचे आणि बिबट्याचे अस्तित्व धोक्यात! 'या' कारणांमुळे महिन्याभरात २९ वाघांचा व बिबट्यांचा मृत्यू

Feb 03, 2025 12:19 PM IST

Maharashtra Tiger and leopard death : राज्यात गेल्या महिन्याभरात ११ वाघ व १८ बिबट्यांचा मृत्यू झाला आहे. यात काही मानवी वन्य प्राणी संघर्षामुळे तर काही प्राण्यांचा अपघाती मृत्यू झाला आहे.

राज्यातील वाघांचे आणि बिबट्याचे अस्तित्व धोक्यात! 'या' कारणांमुळे महिन्याभरात २९ वाघांचा व बिबट्यांचा मृत्यू
राज्यातील वाघांचे आणि बिबट्याचे अस्तित्व धोक्यात! 'या' कारणांमुळे महिन्याभरात २९ वाघांचा व बिबट्यांचा मृत्यू

Maharashtra Tiger and leopard death : राज्यात वन्य प्राणी आणि मानवी संघर्ष वाढला आहे. या संघर्षात राज्यात ११ वाघ आणि १८ बिबट्यांचा मृत्यू झाला आहे. काही जणांची शिकार करण्यात आली तर काही वन्य प्राणी हे रस्ते अपघात, विजेचा धक्का तर काहींचा भक्ष्य सोधतांना विहिरीत पडल्याने त्यांचा मृत्यू झाला आहे. वन्य प्राण्यांच्या मृत्यूचा हा वाढता आकडा चिंताजनक आहे. काही घटनांचा शवविच्छेदन अहवाल मिळालेला नाही. त्यामुळे त्यांच्या मृत्यूचे कारण अद्याप अस्पष्ट आहे.

कशामुळे झाले अपघात ?

राज्यातील १४ जिल्ह्यामध्येही या घटना घडल्या आहेत. रेल्वेची धडक झाल्यामुळे राज्यात १ वाघाचा तर २ बिबट्यांचा मृत्यू झाला आहे. तर ३ वाघांचा मृत्यू हा वाहनांच्या धडकेमुळे झाला आहे तर ४ बिबट्यांचा अपघाती मृत्यू झाला आहे. तर पाच बिबटे हे विहिरीत व कालव्यात पडून मृत्यू झाला आहे.

राज्यात अकरा वाघांचा मृत्यू

चंद्रपूर जिल्ह्यात २ जानेवारी रोजी सिंदेवाही वनपरिक्षेत्रात एका वाघाचा वृद्धापकाळाने वाघाचा मृत्यू झाला होता. तर ६ जानेवारी रोजी भंडारा जिल्ह्यात तुमसर वनपरिक्षेत्रात वाघिणीची शिकार करण्यात आली होती. तिला विजेच्या धक्का देण्यात आला होता. ७ जानेवारी रोजी यवतमाळ जिल्ह्यातील उकणी (ता. वणी) येथे एक वाघ मृतावस्थेत आढळला होता. त्याचा मृत्यू नेमका कसा झाला याची माहिती मिळू शकली नाही. ११ जानेवारीला चंद्रपूरच्या मूल बफर वनपरिक्षेत्रात वाहनाच्या धडकेमुळे वाघाचा मृत्यू झाला होता. तर १९ जानेवारी सिंदेवाही येथे देखील एक वाघ मृतावस्थेत आढळला होता. १९ जानेवारी रोजी गोंदिया जिल्ह्यातील भानपूर येथील एका घटनेत आजारपणामुळे वाघाचा मृत्यू झाला होता.तर वर्धा जिल्ह्यात २२ जानेवारी रोजी धोंडगाव वनपरीक्षेत्र वाहनाच्या धडकेत बछड्याचा मृत्यू झाला होता. तर नागपूर येथे ८ ते १५ जानेवारी या कालावधीत देवलापार वनपरिक्षेत्रात उपासमारीमुळे दोन वाघांचा मृत्यू झाला होता. तर २२ जानेवारी रोजी पेंच व्याघ्र प्रकल्पात एका वाघाचा रंटूयू झाला होता. त्याच्या मृत्यूचे कारण समजू शकले नाही. तर याच दिवशी समुद्रपूर वनपरिक्षेत्रातील गिरड सहवनक्षेत्रात रस्ते अपघातात एका वाघाचा मृत्यू झाला होता. ही आकडेवारी चिंताजनक आहे. 

Whats_app_banner

संबंधित बातम्या

विभाग
महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर