धावत्या टॅक्सीत चालकाचे तरुणीसमोर हस्तमैथुन, मुंबई पोलिसांनी ठोकल्या बेड्या

काही दिवसांपूर्वी एक तरुणी ही टॅक्सीमध्ये बसली होती. यावेळी आरोपी टॅक्सीचालकाने तरुणीसमोर टॅक्सीमध्ये हस्तमैथुन करण्यास सुरुवात केली होती. या घटनेमुळे तरुणीला मोठा धक्का बसला होता. तिच्या मानसिक आरोग्यावर देखील परिणाम झाला. यामुळे तिला उपचार घेण्याची वेळ आली होती. दरम्यान, या घटनेचा व्हिडिओ सोशल मिडियावर व्हायरल झाला होता. तर काहींनी या घटनेबाबत पोस्ट देखील लिहिली होती. एकाने या प्रकरणी इंस्टाग्रामवरील पोस्ट लिहीत सोफिया कॉलेज ते ग्रँट रोड स्थानकापर्यंत शेअर केलेल्या टॅक्सीने प्रवास करताना एका महिला महाविद्यालयीन विद्यार्थिनीला भयानक अनुभव आला. टॅक्सीत बसलेल्या एका व्यक्तीने तिच्यासमोर हस्तमैथुन केले. या घटनेमुळे विद्यार्थिनीला मोठा धक्का बसला आहे. या प्रकरणी कारवाई व्हायला हवी.

साताऱ्यातील जगप्रसिद्ध कास पठार जवळच्या हॉटेलमध्ये रेव्ह पार्टी! बारबालांना नाचवत तरुणांचा धिंगाणा, हाणामारीत काही जखमी

यानंतर या प्रकरणी अनेकांनी कारवाईची मागणी केली होती. अनेक नेटकऱ्यांनी या प्रकरणी संताप देखील व्यक्त केला होता. या घटनेची दखल पोलिसांनी घेतली. गावदेवी पोलिसांनी तांत्रिक पद्धतीने तपास करून आरोपीचा टॅक्सीचालकाचा माग काढला. यानंतर त्याला अटक करण्यात आली आहे. दरम्यान, त्याच्यावर गुन्हा दाखल करण्यात आला असून आरोपीने असे आणखी काही कृत्य केलं आहे का ? याचा पोलिस शोध घेत आहेत.

मोठी दुर्घटना! मुंबईच्या भेंडी बाजारात चार मजली इमारत कोसळली, बचाव व शोधकार्य सुरू

दरम्यान, या घटनेमुळे महिला सुरक्षेचा प्रश्न पुन्हा ऐरणीवर आला आहे. मुंबईत महिला खरचं सुरक्षित आहेत का असा सवाल नेटकऱ्यांनी उपस्थित केला आहे. अशा घटनांना आवर घालण्यासाठी कठोर कारवाईची मागणी देखील करण्यात आली आहे. या प्रकरणी पडीत तरुणीच्या मैत्रिणीने तक्रार करत तिला न्याय मिळून देण्यासाठी नागरिकांना आव्हान केले आहे.

कुवेतहून भारतात येत मुलीवर बलात्कार करणाऱ्याची बापाने केली हत्या; परत जाऊन यूट्यूब चॅनेलवर दिली हत्येची कबुली